《我同幾條女嘅瘋狂往事》: 8.5

她套了件前天穿過的黑色衛衣出來，捲起腿挨在沙發的另一頭，訕訕道：

「喂，你乜都見到曬喇。」

「見到咩呀？」我睜大眼睛，「見你無啦啦走左去咋喎，著返件衫好啲嘅，都涼左唔少。」

「睇唔出你都幾識扮嘢喎，」她的目光從電視移動到我的臉上，「啲戲好過周潤發添。」

「唔通我話見到你對車頭燈飛釘咩。」我用輕浮浪蕩的口吻說。女人對於放蕩浪子的包容，往往高於假正經。



她怔住了，時間足夠她在腦中把我的話濾三次，發現仍然滿是渣滓的時候，發作了。

一隻拳頭綿綿地捶落在我膝頭再上些的位置。只有半點氣惱，其餘只覺情意綿綿。

「你仲講，打你呀拿。」她打完補上。

「小姐，咁我唔想㗎喎。」

「有得你睇執到喇，仲唔想。」說著她又回到沙發的另一頭。



對於女性而言，誘不來異性目光比被視姦更可怕。想到這層，我的視線又重投她懷中。裡面應該還是沒有穿胸圍吧。

「唉屌，sor啊，唔識講嘢。」人在屋檐下，三更半夜，舉目無親，道歉比錢重要。

立竿見影地，她平和下來：

「冇嘢喇，係我自己疏忽啫，以為啲仔走曬，唔記得咗你仲喺度。」

看，這先插自己讓別人無洞可插的道理。我彷彿小人奸計得逞。



「我都有唔啱嘅，𥄫得咁明顯。」

真不該！偷摸著看才是細水長流之道，如今只能空嘆。

「你地啲男人全部都係咁。」她扁扁嘴。

「冇計㗎，異性相吸呀嘛！古語都有云啦，女為悅己者容，唔𥄫咪𠻀曬，又對唔住條女，又對唔住對眼。」

乳暈！繞著那兩顆小點的，粉嫩嫣紅、碩大紫黑……

Crystal的是哪一種呢......好像不要太大才合乎比例。

唉！我骯髒的腦總聯想這些！

「你都識講喇，『悅己者』呀嘛，」她雙眸送來秋波，「比鍾意嘅人𥄫就話啫。」



這曖昧的眼神，不會以為我會上勾吧？想要壯大你的兵團？

「咁你有冇心水呀？」剛說完便記起，「係！你話有鍾意嘅人先唔要世傑呀嘛，邊個啫，人少少講嚟聽下呀。」

「其實啲仔都係想同我發生關係啫，都唔係真係鍾意我。」

「咁都好難怪佢地嘅。」我有感而發。

「其實我唔係好識拒絕人㗎。」聽她這麼說，似有坦露心跡的兆頭。

不知怎的，我開始坐立不安，如芒刺背。

「所以就算身邊成日都好似圍住好多男仔咁，其實……」



我不接話，她停頓片刻：

「我根本冇對任何一個有意思。」