《我同幾條女嘅瘋狂往事》: 7.1
未幾，門外傳來「篤篤篤」的敲門聲。
張婉婷抬了抬大腿叫我起來。
「婷婷，飲唔飲糖水呀？」一把不鹹不淡帶著工人姐姐口音的聲音問道。
「咩糖水嚟㗎？」
「你最鍾意嘅。」
「咁𢳂兩碗比我呀，唔該曬。」
聽到門關上後，我才敢從房間的廁所出來。
「乜你講嘢原來可以咁嗲嘅。」
「關唔關你事。」
「少串咯。」我說著穿上褲子，順便瞄了眼時間，發現已經快要十點，便急忙對張婉婷說：「屌，搭十一喇，快啲取消條片啊。」
「洗唔洗咁驚啊。」坐在書桌前的她端著iPad說道。
「頂你，快啲啦。」我快步走到她身邊施加壓力。
「講下笑你又當真呀？」她搖著電腦椅，樣子很不討好地挑釁道。
「好好笑喎。」
「你好似都幾enjoy呀，有你著數啦，Crystal條底褲你都恨咗好耐啦。」
「係咪癡線，冇你咁變態呀。」
她冷笑一聲，剛好門外又敲起門來。
「仲唔快啲開門。」
我避開她翻了個白眼，開門接過放著兩碗糖水的盤子，並擺出才沒有在幾分鐘前射過精的客氣表情，向門外的工人姐姐禮貌致謝。
「呢碗我嘅。」
她端走明顯比較多料的那碗。
「咁呢碗係咪比我㗎，大小姐。」
「冇話比你喎，不過你想飲咪飲咯。」
真是嘴硬，這是有錢人家小姐的通病吧。
說到有錢人家，這裝糖水的客用小碗裡面，不用連用料也這麼主客分明吧，僅有寥寥幾片腐竹，張婉婷碗裡滿滿的蓮子這裡卻不見半粒。
本來想開口嚴肅質問關於變態遊戲的問題，不過想到正在進食，便嚥了回去，另闢話題：
「都睇得出你媽咪幾錫你喎。」
「佢啊，錫佢條仔多啲。」她表情的變化應該是察覺到我話中有話，得意笑道：「應該係Mandy知我鍾意食所以比曬啲蓮子我掛。」
「原來姐姐叫Mandy，幾好呀，幫我揀曬啲蓮子出嚟。」我有點故意潑冷水地點點頭。
她無所謂地盯著螢幕在播放的影片。
「乜你同你媽咪關係唔好㗎咩？」
「都冇話好定唔好嘅，佢係果種傳統女人。我老竇未死果時，屋企就男人話曬事，家務又唔洗佢做，出少句聲咪叫做賢妻良母咯。」不知何故，她的語氣多少有些怨氣。
「你老竇做咩㗎？」聽到她主動提及父親，我想也不必忌諱。
「佢係工程師啊。」說完，她舀了口糖水放進口中，按停影片。
「乜工程師咁好搵嘅咩，唔講以為撈埋偏添。」我裝模作樣地左看看右看看。
「都幾㗎，所以我都多謝佢提供呢啲物質比我嘅，不過除此之外就冇乜邊樣好喇。」
「例如？冇時間理你？」
「佢奉行精英教育果套咯，讀書就唔洗講啦，其他學琴啊，跆拳道啊，一啲都唔執輸㗎。」
我忽然覺得，她話變多了。
「蕉仔話要搵媽咪啊。」
門外伯母的聲音很好辨識，浮在細柔底子上的粗聲粗氣，看來也是迫不得已練就而來的，聯想到張婉婷的描述，確實很契合。
「放佢入嚟呀。」張婉婷應道。
門縫間隙，伯母風韻猶存的身姿半露，一隻肥貓從懷中跳下，悠閒踱步過來。
食色皆獲滿足的我只靜靜看著她玩貓，不覺已經夜深，眼睛慢慢糊成一片。
醒來時，眼前是一扇落地窗，窗外的景色似曾相識。意識恢復多些，我發現全身動彈不得。