《我同幾條女嘅瘋狂往事》: 5.2
我是在當天十二點正在上中國文化大課時收到訊息的，看見螢幕亮起的當下，我條件反射地橫掃四周，妄想能藉此揪出幕後黑手，卻只能把謝世傑和身旁兩個組員的嫌疑排除。
指顧之間，對方的狀態已經再次變回：
< last seen a long time ago >
心機之縝密，不是女人便是小人！
三點，聯福餐廳，究竟有什麼在等著我。
我凝視著對方傳來的七個大字，頓感無力。
放眼四下，皆是日常，無聊的講師、了無生氣的課堂、角落的張婉婷、遊戲世界神遊的謝世傑，強烈的真實感瞬間傾湧而現。兩天以來心頭盤踞的後悔與僥倖，剎那消散。剩下的那些焦慮、恐懼、不安恨不得把我吞噬！
這是真實發生的事情！
我沒有在做夢！
「屌！你老母兮親下廚。」
謝世傑對著電腦低聲怒罵，撇過頭來正好跟我四目相交。
「哇，康兄，目光呆滯，面青又口唇白，叫你唔好谷住發洩下，又唔係叫你往死裡打，慳返留嚟同女女實戰何不快哉？」
我任由視線繼續放空。
「咁又唔係個個都可以溝到女，以前嘅我都好能夠明白你嘅苦況。」他拍拍我肩以示激勵，見我沒反應又說：「喂屌，老老柒柒，係咪偷偷買咗飛機杯唔預我啊。」
他乾脆自言自語起來。
「不過都好，我諗我同阿妲己姐姐大概都係有緣無份。」他瞇起本就不大的眼睛：「不過話時話，你話約阿Crystal睇鬼片有冇得諗？呢排新上咗套……」
「喂，問你個問題。」我不耐煩地打斷了他的話。
「請。」
「如果比人用裸照威脅你會點？」
「咩話？」
「我話，如果你比人用裸照威脅會點。」
「哇，裸聊衰咗呀你？」他喜形於色。
「屌你，問下啫，啱先連登見到有個post講呀嘛，大家男人，都唔敢講話實冇呢日㗎，咪未雨綢繆，學術討論下咯。」我佯裝鎮定，字裡行間擠出幾分瀟灑。
「喔，裸照好閒啦，我實叫佢快啲po出去。」
「會唔會係咁呀。」
「咩唔會呀，難得有機會比啲囡囡見識下咩叫人間巨根。」
連日來無處宣洩，此時此刻冒著被世傑懷疑的風險，我也不禁直抒胸臆：
「屌你咩，認真喎，我覺得個苦主都幾慘，分分鐘比啲屋企人呀、朋友呀、同學呀睇曬全相，你知啦，裸得聊個樣都唔方正經啦，以後仲點做人啊，真係跳樓都唔掂啊。」
「林日康，老老柒柒，個post係咪你開？」
「係呀係呀，幫你開定，你咁鹹濕遲早都要開㗎啦。」
他噗嗤一笑：「都唔出奇。」
「個個都好似你咁，啲騙徒餓死曬喇。」我無奈說。
「唉，你又錯唔曬，始終施華利腸唔係個個都有。」他沉吟半晌：「冇計㗎，如果係騙子求財就肯定貪得無厭，難得搵到條水喉，仲唔食住上？比得一次實有第二次，肯撚定就無了期。屌，東張西望都有做啦。不過，人都係犯賤㗎啦，明知九成九唔會斷尾，多數都係抱僥倖心態諗住散財擋災。之不過有時唔單止騙財，如果係另有所圖……」
我不知其解地等他說下去。
他思考片刻，猛然抬頭：
「哇屌，仲唔掂。唔得，比我揀都係比人欣賞下條巨龍算數。」
「咩其他嘢呀？」我問。
「你諗下，如果係條麻甩佬威脅你，話要你幫佢打飛機咁點先，我就實唔制㗎啦。屌，講講下變埋gay test。拿，幫佢打飛機定比人po裸照，唔準諗，即刻答！」
他反客為主。
「癡線，緊係唔啦。」
曾經聽說過，人越是心虛回答問題便越快，今天終於能解其妙。
「掂十秒呢？」他追問。
「屌，你掂我咪掂咯。」
「諗諗吓好似又制得過，屌，我係咪有啲隱性「基」因。」
他自我懷疑之際，我仍停留在上一個問題。
如果對方真是個同性戀的變態，看中我的手技要我打飛機，更甚者做些更加下流的事情，到時候真的不知道該怎麼辦。
不管了，越想越頭痛，事到如今只能見招拆招。
藉口打發走謝世傑之後，我準時三點抵達聯福餐廳。
下午茶時間，校內餐廳人流不多，但我總感覺每一雙眼睛都在用餘光偷看我，彷彿隨時會表明其八卦週刊記者身份，攜同攝影師衝出來把我當場捕獲。
我戰戰兢兢地在餐廳門口的長桌離出口最近的位置坐下。
「到咗。」
屌你老母！死變態！開嚟見我！
按下傳送，發現雙手已經震得快連電話也握不住了。我索性把電話放在檯上，才剛放下它便震動起來，對方傳來訊息：
「鍾意可以食啲嘢先，喇沙烏冬味道唔錯。」