【校園】【愛情】A0毒男的愛情史: 【單思戀】
「我唔信，你同晴晴佢根本冇拍拖！！」特別室內有兩人，我與另外一位。
「咁你想點…」我看著眼前寄信給我的這位我女生「你同佢都...都唔會有可能啦。」
什麼！！女生！！昨天寄這封信給我的人竟然是一個女生，受到這信息衝擊的我，也非常無奈，要是說是情敵也好，女生我真的是一頭霧水，啊晴佢到底有多大魅力，男孩子就算，連女生也能夠吸引，我真的……無語……
「我唔理，你快啲同佢分開。」那女生情緒非常激動。
「你唔好強人所難……」這場面，我已經不知道該笑還是該哭好了。
……
自從昨日在冰女手上取回電話後，在回程巴士上我不斷思考著找出寄信者的方法，不斷看著信內的文字，一次又一次重複閱讀。
終於給我看出了弊端，翻過這張紙背面，有點熟悉，很有印象，中一時經常見過，用這惡趣味圖案紙張只有一個人，不過只是我的猜想，說不定兇手是透過借助她的紙張而寄信給我。
明天，答案自然會浮現。
時間回溯到早上，鎖定目標的我已經想好大致計劃了，只差行動。
小息。
我走到3C班的門口，隨便找了個人問「梁嘉怡喺唔喺度。」
「佢出咗去。」路人A回答
「咁佢個位喺邊。」我問。
「嗰度，紫色水樽嗰個位。」路人A說。
「唔該曬。」說罷我便走了過去。
我在櫃筒裡面天翻地覆「果然係你...」我看著手上這一疊背面印有交叉骷顱圖案的紙張。
「喂，你做咩亂咁摷嘉怡啲嘢。」應該是梁嘉怡朋友的一位女生不滿地說。
「哦，我想問佢拎張紙啫。」我回道。
「嘉怡從來都唔會借呢疊紙畀人，唔該你放返低，一係你就等佢翻嚟自己畀你。」這聲線，彷彿我是她殺父仇人。
冇借過！？不就意味著寄信的人就是她嗎？
「Ok，fine，你冷靜啲。」目的達成。
回到課室，我趴在桌子上不禁思考著，梁嘉怡到底在開什麼國際玩笑，她覺得這樣很好玩嗎，還是其實原來她是...我不敢再想象下去，雞婆疙瘩全起來了。
「叮噹叮噹。」小息完結的鐘聲響起，同學陸陸續續會到課室。
我在想如何跟啊晴開口解釋，畢竟突然有個女生喜歡自己，正常女生都會反感吧。
「啊晴，我有個問題想請教下你。」我一臉嚴肅的說。
「做咩事，你個樣咁認真嘅。」啊晴驚訝。
「你坐低先。」我拉開椅子。
「發生咩事。」啊晴坐下。
「你千奇唔好同人講喎。」
「唔...冇問題。」
「我有個識咗幾耐嘅女仔朋友，佢突然有日同我講鐘意女仔，佢鐘意嗰個女仔仲要係我都識得佢，叫我幫佢，你話點算好。」
「咁...即係Lesbian？」
「應該就係喇，都唔知點算好。」
「咁你都幾難做喎。」
「何止難做，直頭係噩夢。」我雙手抱頭。
「你不如試下同佢傾一傾先啦。」
「你唔會對Lesbian反感咩。」
「依家社會咁開放，冇咩嘢嘅，如果唔係自己嘅話應該仲接受到。」現在那個惹上禍的人真的就是你啊。
「砰砰砰。」黑板傳來撞擊聲「傾夠未啊，唔使上堂咩依家。」先生對著我罵道。
「係係係，唔好意思。」我趕緊道歉。
……
中午，找到梁嘉怡為優先目標。
但...媽的，先生你一題數學題目說到天荒地老，我何來時間找到梁嘉怡。
如是者，午膳尋找梁嘉怡大計，以失敗告終。
只好留到放學再找機會。
放學。
「知唔知梁嘉怡喺邊。」我已經不知道重複問了多少次。
「唔清楚喎。」又是同樣的答復。
「唉，梁嘉怡你到底死咗去邊，今日點都要問清楚你想做咩。」我暗道。
梁嘉怡係我中一時期認識的好友，沒有什麼小說劇情，也沒有什麼英雄救美劇情，僅僅是剛好在話題很合拍，莫名其妙成為了朋友，不過之後她因為成績問題，從精英班滑下去了。
「知唔知梁嘉怡喺邊。」這是最後一次了，我也再沒心力尋找下去。
「你揾嘉怡？你問譚永琪佢可能知。」3C班的一位女生說道，下稱為C小姐。
「阿琪。」C小姐向著操場正在打排球揮手。
譚永琪從操場走過來，她不就是小息那個態度對我極差的那位嗎，原來佢叫譚永琪
「咩事吖。」譚永琪說。
「你知唔知嘉怡喺邊吖。」C小姐問。
「做咩咁問嘅。」講你就講啦，在那賣關子。
「呢位同學揾佢。」C小姐指著我。
「你咪小息嗰個不問自取嘉怡啲嘢嘅人。」譚永琪把目光放在我身上。
「你知佢喺邊？」我問。
「知係知，但點解要同你講。」譚永琪一臉囂張。
「老師叫我交翻啲嘢佢。」藉口這回事，隨便編就好了。
「你畀我，我一陣幫你交。」媽的，不就是一個人的所在地，有必要這樣隱藏嗎，裡面是有學校機密哦，還是在進行邪教儀式哦。
「唔得，Miss叫我親手交畀佢，一陣怪責起嚟我負擔唔起。」我這演技真好，呵呵。
「咁啊...」她終究抵不過我的嘴遁。
……
勝利，終於到揾到你－梁嘉怡。
這傢伙居然給我躲在祈禱室，這裡原本禁止進入， 除咗jesus club會長，剛好梁嘉怡就是會長本人，難怪我找光整棟樓層都不見蹤影。
「梁嘉怡！！」
「你...你點會喺度。」
「你理得我，呢封信係咩意思。」我把信封放在她眼前。
「咩...咩信...啊...我...我都唔知你講乜...」她看到信封後語氣開始顫抖起來。
「唔使扮啦，除咗你仲有邊個會用呢啲惡趣味嘅骷髏骨圖案紙。」
「係我㗎，咁點吖。」她態度180度轉換，連我也不禁驚訝一番。
「咁你到底想點。」
「同封信一樣意思，我要你同晴晴佢宣佈分開。」
「吓，點解。」
「因為我鐘意晴晴！！」
「...」我頓時無語，不過很快就回過神來。
「但係我同啊晴真係拍緊拖喎。」
「我唔信，你同晴晴佢根本冇拍拖！我觀察咗好耐，你哋嘅舉動，根本就唔係情侶關係。」
「咁你想點，就算我真係同啊晴宣佈分開，你都唔會有可能啦。」Lesbian，今日聽完啊晴佢講，雖然佢唔抗拒，不過發生係佢身上嘅話，佢應該非常反感。
「我唔理，你快啲同晴晴佢分開。」梁嘉怡情緒非常激動。
「你唔好強人所難……」
「即係你逼我用最終手段啦。」
「你諗深一層，你咁做雖然可以搞到我哋分開，但你最終都會傷害到啊晴佢，值得咩。」
「但係我...」
「你再諗下，啊晴佢日日都要受到一堆輿論壓力，呢個就係你想要嘅結局？」
「...」梁嘉怡沉默，我知道嘴遁成功了，還差最後一步。
「不如咁，我同你都鐘意啊晴，我哋一於公平競爭，決定權喺啊晴手上，我亦都唔會透過講呢件事而貶低啊晴對你嘅睇法。」
「乜你都鐘意晴晴㗎咩。」梁嘉怡一語驚人。
「吓，你唔知！！！！？？？？」
梁嘉怡搖頭。
我臉上也因為害羞變紅而低頭，不過腦袋依然在正常運作。
「咁你同唔同意我嘅提案。」我一臉不屑。
「好，一於咁話，講明先我係為咗啊晴先至應承你。」梁嘉怡說。
「唔好再講呢個話題，封信裡面寫你知道我好多嘢，其實係乜。」
「你唔記得！？首先係教育營個件事先啦，話說呢個日...」
「得得得，你唔好再講落去，我唔想再回想起，簡直係人生污點。」我連忙打斷她。
彷彿變回了中一時期的我們，無所不談。
「咁點解你會無端端同晴晴佢扮拍拖嘅。」梁嘉怡問。
「個故事就長喇，你有冇耐性聽先。」
「我大把時間。」
我將來龍去脈包括內心獨白一次過講曬出嚟「就係咁。」
「你好廢吖，驚個happy corner搞到晴晴佢要扮作你女朋友，係咪男人嚟㗎。」
「你都冇嗰度邊會明啫，真係好鬼死痛㗎。」
「垃圾。」
「大家咁話，你咪又係唔敢同啊晴佢講你鐘意佢。」
「咩吖，我有日一定會袒露心聲，等晴晴佢接受我。」
「你諗下好喇，啊晴係我㗎，我唔會畀其他人追到佢。」
我哋兩個單思戀，在傾了差不多數小時後，各自回家了。
未完待續................