【校園】【愛情】A0毒男的愛情史: 【準時拍卡】

畫面來到3E班房，現在是早上班主任節，我攤坐在位置上，大口大口地喝著水。

「喂，你搞乜，淨番半條人命咁嘅。」我另外一位兄弟Andy坐在我後面說。

「唔.....唔唔唔......」我喝著水回應。

「妖，你飲撚完水先答我喇。」Andy道。

「咕嚕，咕嚕，咕嚕。」350ml的水被我瞬間清光。





「呼呼....冇，今日02分先出𨋢，用條狗命..跑..翻嚟啫。」我喘著氣地回應。

「起立。」女班長看見班主任進來後說。

「敬禮。」

「Good morning teachers。」全班一起說。

「坐翻低，安靜啲。」班主任叫 Paul sir。





班主任喺度用學校系統點名，他走到我身旁問「做乜嘢咁遲先翻學，叫咗你平時預鬆少少時間，咪唔洗咁趕囉，係都要拖到最後一秒，你咁樣出到社會............」說教時間來臨，內容下刪500字OK?? 我估計應該都冇人會想聽。說教完畢後，force進入了班房，理應遲到的他，現在滿臉自信坐在自己的座位上，即是位於我的左手邊。

但坐不到10秒，啊Paul sir已經走到force身邊了「喂，你同jimmy夾份玩嘢呀，一個58秒拍卡，一個啱啱好8點06分，貪好玩啊。」

之後又嚟說教時間，我就唔再重複講多次啦。

喺啊paul蛇走咗之後force對我說「哇，你條友仔咁都拍得切卡，我頭先喺下面比啲領袖生問呢樣嗰樣，真係煩到嘔白泡。」

「之後笑死我嘅係，我講咗有準時拍卡佢地又唔信啦，仲要叫啊訓導主任落嚟check，本身諗住死硬，點知你條友仔咁神勇，啊訓導主任落嚟之後睇過我準時，當住我面係咁鬧爆佢哋嘥佢時間，我喺隔離食花生食得勁開心。」force陳述剛才的案發現場。





「笑撚死，唉點解我唔係現場架。」我後悔沒有看到那精彩的畫面，因為平時都受不少他們領袖生的(關愛)，真是可惜。

「係喎force，今日有咩功課要交。」我發問

「地理工作紙，數學簿，同做琴日physics堂書個題。」force回答。

「吓，有數學要做? 仆街喇我冇做到，唔係要去留堂吖。」我驚慌。

「喂，你係咪跑到傻咗，我咪數學科長，你陣間快手啲做埋佢，得個5題數，我轉頭求其揾個藉口小息先交上去啊sir個locker啦。」force 輕輕力冚咗我一巴。

「神啊，感激不盡。」我說。

「妖，做兄弟嘅你講呢啲，今日冇你我唔係就要去個咩死人增值計劃。」force說。

咁相信冇人想睇上堂教書嘅過程架喇，我就簡單粗略閃過佢，上堂--落堂--轉堂   重復x6次。