阿狗再襲: XVI

「師姐，其實我鍾意咗你好耐...」而家喺阿恆班房。

阿狗又跟過嚟，JM9。

荒死我好似會講俾其他人聽佢住三聖咁。

咪癲啦，講咗又點，你驚會有人爆屋咩。

「收皮啦仆街！溝你個欣欣啦，我唔撚係欣欣呀，行撚開啦屌你老母。」師姐係咁爆粗。





聽聞師姐係日本人。前年因為講得太多粗口俾人記缺點記過記到冧班。

「師姐呀...」？？？阿狗哭o能咗。

唔得咪搵下個。(雖然佢冇)

更何況師姐都有個好嘅男朋友，仲點會理你。

當然如果佢做娘娘收兵就例外。





不過係收兵都收我啦，白痴先收佢。

「躝啦屌，唔好阻撚住晒啦屌你老味。」師姐趕佢走。

「係嘅...」柒到喊。

........

陣間要上PE堂，同A班(即係阿恆嗰班)一齊上。





阿狗廢J眾所鳩知，跑9分鐘淨係跑得5個圈，push up 3下，sit up 6下。

睇嚟連PE阿Sir都放棄咗佢。

但係阿狗依然唔放棄... 去溝女。

呢排唔知係咪食撚咗啲咩過期春藥，精力過度旺盛，唔係溝欣欣，阿瑩就係溝阿兒同師姐。

可惜，冇一條女想俾佢溝，就連欣欣都唔多想理佢。

而家佢好似蠟筆小新俾大姐姐吸引住咁，俾堆靚女吸引。

「靚女，得唔得閒呀？」阿狗去咗溝A班嘅女。

「條友咁old school嘅。」阿兒恥笑。





「佢係咪溝開6 70路㗎？」師姐都加入恥笑。

「我哋唔係呀婆喎。」好似阿瑩把聲。

「哈哈哈哈哈嘻嘻嘻...」識個「柒」字點寫啦。

好可惜，欣欣唔係A/D班。唔係阿狗就開心仔。

「嘩，你睇下柒到！」阿恆直情指住嚟笑。

「想當年，嗰個黃文...」阿恆想封實我把口。

「收皮啦。」佢態度180度轉變。





我都知，鍾意自己女神嘅同時，有件肥閪鍾意自己，而且俾人唱開去係幾咁難頂。

「想而家，阿瑩竟然有個毒...」屌。

「我咁靚仔，點同呢？」我打斷佢。

「算啦你。溝到請你食一個禮拜飯又點話？」佢講。

「好呀。」我講。

阿狗唔見咗。

唔... 都係冇嘢... 原來溝緊其他女...