阿狗再襲: XV

嚟緊嘅12月，學生會會搞廚藝比賽。

阿狗同我都會參加。

緊係啦，可以威俾女神睇喎，點解唔參加先。

聽聞阿狗煮嘢好叻。(聽住先)

而我呢... 又唔係話唔識煮... 只係... 好難食囉。





所以而家諗住出外拜師。

至於係邊個師？

errr... 表... 表... 表... 表姐。

咩啫，係咪唔得先。

至少佢係喺啲賣兩餸飯嘅鋪頭到做先呀。





我住屯門新墟，佢住三聖... 咁應該係坐261去。

「等埋呀！呀呀呀呀呀呀！」一落樓下就見到架261等緊紅綠燈。

呢啲閪車一走就要等4個字，所以老死都要追。

「唔該司機。吓...吓...」好彩趕得切。

當我諗住上去坐嗰陣，阿狗就坐喺樓梯口。





「WTF」我心諗。

阿狗冇事冇幹點會無啦啦坐呢架車。

定係自己眼花睇錯？

應該係自己眼殘啫，無事嘅。

直至去到總站，佢都未落車。

仆街了，佢好似就係住三聖。

唔通嗰個真係佢嚟？

唔會嘅，無啦啦點會出街呀。





........

「叮噹」終於都到表姐屋企。

「煩死了！」出現了！阿狗第一金句。

黑衫黑褲黑鞋，同啱啱巴士嗰個咁似樣嘅。

全黑... 哦... 黑暴，仲唔快啲報国安。

「為什麼你會在這裡。」阿狗把死人聲。

屌，真係佢。





「威神魔筆痕？」我問。

「這麼兇幹什麼。」

「阿豪你嚟咗啦。」表姐開門。

「嗯。」

........

「而家炒蛋先。」表姐講。

「OK。」

「雞蛋六隻，糖呢就兩茶匙，仲有啲橙皮添。」腦中浮現咗呢句嘢。





炒咗2分鐘就起鍋。

「唔... 不完美可接受要改善。」表姐講。

而家要再炒多次。

今次105秒起鍋。

「OK滑...」應該得啦。

「好，緊住落嚟就係煎扒。」佢講。

表姐喺雪櫃攞咗幾舊牛扒出嚟。





「你應該識煮啦。」佢講。

「吓？」我驚訝。

「係呀。」

唯有照做。

應該冇事嘅。

咪又係落少少油，然後係咁翻。

「搞掂。」好熱。

「等表姐試下。」

「ummm... 都OK嘅。」

即係其實我煮嘢唔會好難食啦。

有個比較好嘅底應該都可以贏到嘅我諗...