【愛情/奇幻】《只能用餘光看見你》第一部:陰陽眼的餘光. 某天在學校玩碟仙，結果戀上了女鬼…: 16.[閨蜜。]
午息時間，李彤匆匆來到5A班房，卻未見劉世檜的蹤影，但聽到身後走廊上兩個熟悉的聲音。
「我再幫你約佢出嚟玩啦，放心交畀我。」凱婷用力地拍了自己的胸口兩下。
「你本身就冇乜滯，再拍就凹㗎喇。」余程天回應
凱婷開玩笑地說「你講咩呀，如果你知我邊個一定唔夠膽咁樣同我講嘢。」接著她用雙手揉他的太陽穴。
余程天慘叫捉著她的手，然而轉角處卻看到李彤的視線，他立刻推開了凱婷。
凱婷後退了一步拉開距離，看起來眼神有些黯然失色，但很快又恢復了活力，馬上喊著 「YO，彤彤」
「劉世檜呢?」聽見李彤的詢問，凱婷瞄了一眼余程天。
「啱啱畀老師叫走咗。」 余程天雙手握緊了一下，細微的動作被凱婷看見。
凱婷走到李彤身邊「你搵佢做咩呀?」
現在的鍾隨心坐在圖書館的某個角落，李彤帶了她到這個安靜的環境安撫自己的情緒，李彤嘗試與他溝通，但畢竟兩人也不懂手語，所以她希望找到始作俑者。
李彤面對眼前的兩人組織著如何回應，在兩人眼內卻是在掩飾什麼，忽然她靈機一觸「通靈紙! 張紙喺邊? 」
關於靈異的東西，余程天少了一些忐忑「應該係教員室…Miss秋仲未畀返我呀。」
「彤彤，你唔係想…」 李彤連忙走到教員室，兩人便在後跟上
聽到想要偷進教員室拿回通靈紙，凱婷有些冒冷汗「你嘅人設唔係咁㗎喎。」
余程天被叫了在門口外放風，秋老師桌子沒人，而且很近門口，因此只要走進一個身位…
李彤蹲下來，在桌子四處尋找，凱婷在一旁緊張地看著教員室內有沒有老師察覺到。
「搵到…」李彤找到被夾在底的通靈紙，緩慢把它拿出來，不料上方的雜物失了重心，一些書籍文件夾傾倒下來。
如此大動靜讓周遭專注工作的老師們也抬頭注目，看著在書堆裏的李彤，其中一位男老師表情嚴肅問著「點解你會喺度?」
凱婷連忙擺出壞笑的表情，老師的目光轉而在他身上「笑乜嘢? 你哋兩個做緊咩?」
李彤剛想開口說著 「唔關…」她想說著不關凱婷的事
凱婷連忙開口「冇呀，我叫佢幫我攞返包煙咋嘛 。」雙手擺頭一部囂張跋涉的模樣。
「你出返去先。錢凱婷!你留喺度。」凱婷打眼色表示不用擔心，讓李彤安心離開。
「你知唔知自己做緊咩，你而家係做緊害群之馬。」男老師叉起雙手，輕蔑地註視著錢凱婷。
「大家咁話啦，佢跌低嗰陣你第一時間都唔係關心佢，你關心你自己咋嘛，教畜。」
「錢凱婷!你仲敢駁嘴? 淨係識得畀麻煩我。」
同一時間社工室內，劉世檜坐在梳化喝著熱茶，秋老師刻意買了壽司回來，兩人平排而坐。
「劉世檜，唔使覺得會麻煩我，你最近有咩問題都可以同我講。」
劉世檜並沒有開口，秋老師依舊自說自的。
「感情問題，都可以同我講，雖然學校唔容許，不過我唔會講出去，我保證。」
「你最近行為真係有啲異常，作為你班主任，我都有責任了解一下…就當係敷衍我，隨便講啲嘢好唔好?」秋老師說著，臉上帶著關切的表情。
「我冇拍拖，只係同一個朋友嘈交。」劉世檜回應
「點解嘈交嘅?」秋老師的語氣很柔和，似乎想讓劉世檜敞開心扉。
「可能因為我哋係兩個世界嘅人…」 劉世檜的聲音顯得有些沉重。
「佢係呢間學校嘅?」 秋老師好奇地問。
「唔係， 我嘅意思係佢系一個好遠嘅地方，每日都見，但係總有啲嘢唔可以即時做到。」
「…」
秋老師仰望天花板「 聽你咁講似係異地戀，要面對嘅嘢的確好多，就算好多大人都未必處理得好好。」
「文化，生理時鐘，距離…可能佢嘅決定係啱嘅。」秋老師站起來彷彿在尋找著什麼。
「 我知道， 但係我就係唔想同佢斷開連繫， 有樣嘢佢鬧得我好啱。」
「 佢想我幫佢處理一樣好重要嘅嘢， 但係我唔敢去做， 因為我驚做完之後， 再冇藉口搵佢。」劉世檜言語間有些內疚。
「如果你真係鍾意佢嘅，應該嘗試搵下 維繫你哋兩個關係嘅解決方法。」
秋老師拿出一幅禪曉畫，接著說道「只係希望收穫，或者只係希望付出，呢段關係就唔平等，雖然唔知佢哋嘈乜嘢，但係遇到矛盾嘅時候，最緊要搵到折中嘅方法。」
「至少嘗試過，即使結果未如理想，我相信過程，都總會讓你驚喜。」
「你睇下呢一幅係我第一次畫嘅畫，啲線歪嚟歪斜，好似小學生作品咁。但係禪繞畫重視嘅係過程，不計結果。好似我哋人生咁，人總會有一死，死之前我哋不斷努力，最後我哋可能咩都冇，但係過程我相信會刻入我哋靈魂深處。」
「 如果可以， 最緊要係理性溝通。」
「好似講得太多佛偈哲學，有冇悶親你呀。」秋老師輕輕一笑
劉世檜回覆「…冇」
「唔知點解你令我諗起一位朋友，佢同佢鍾意嘅人都係相隔咗好遠好遠，佢一直停留咗喺原地…甚至想返轉頭，甚至想去搵佢…」
「最後佢做咗醫生，為咗其他人唔會好似有佢咁嘅遭遇。」
「我想講嘅係，最後結果點樣都好，都要向前行，如果一直回憶過去，咁樣一世都逃離唔到。你一世都會活喺過去!」
劉世檜聽到他這一句，有一種莫名的感觸。
輪迴之間，在塵世又名為陰曹地府，一道門悄然而現，黑無常被召喚而來。周遭空無一物，寂靜得連呼吸聲都顯得格外清晰。他皺起眉頭，仿佛能感受到一股壓迫感。
就在這時，一道虛響之音響起。
「 輪迴之間嘅言語，都會變誓約，你可否記得?」
毛月永沉著回答道「當然。」
「你疏忽導致嘅因果死結，隨著時間流逝，已經越來越緊。」虛響之音繼續說道。
「喺下一次變動之前係你最後嘅機會。」
「若然做不到…」
「便永遠斷開與白無常的因果關係，我記得。」 毛月永恭敬的低下頭
毛月永微微皺起眉頭，他知道自己所面臨的問題有多麼嚴重，但他也知道，這是他必須要面對的，無論如何，這次一定要完成任務。
「解開死結只係差最後一步，只係有啲意外嘅因素…我擔心會影響結果。」
「一個生死簿上，不見其名的女鬼。」
「現在你只要專注你應該要做的是便可。」
「遵命。」毛月永回覆，不知為何心中卻有種不安的感覺，儘管命數已定，他亦不敢怠慢。
空間中憑空多出了數顆烏黑的藥丸以及接下來的死者名單，毛月永把這些丸子收入囊中
「今次我一定會完成。」他緊緊捉著死者名單，打開大門回到屬於自己的小酒吧當中。