【愛情/奇幻】《只能用餘光看見你》第一部:陰陽眼的餘光. 某天在學校玩碟仙，結果戀上了女鬼…: 9.[驅魔。]
早上七點多，劉世檜戴著口罩坐在擠擁的車廂中，抱著自己的書包，昏昏欲睡。鍾隨心像是騎膊馬般坐在他的肩膊上。
「喂，尋日突然又發燒，今日你仲想繼續返學? 」鍾隨心雙手摸著他的額頭。
劉世檜從口袋中拿出無線耳機戴起來「你知就好啦，仲要坐住我。」
「你估我想? 企喺度啲人好似出出入入我個身體咁，個感覺好唔舒服。」鍾隨心有些害羞地說。
地鐵越來越接近學校的站，周圍穿著同樣校服的同學越來越多。走出地鐵站，一群人如行屍般緩慢向學校移動。劉世檜穿出人群，向相反的方向走去。
鍾隨心回頭看著人群，困惑地問為什麼不走那邊，劉世檜慢悠悠回答。
「準時返去都冇意義，不如享受個早餐先，返去咪又係排隊，之後咪又係等。」
「藉口，平時你啲朋友約你都唔準時，你真係一啲都唔識珍惜時間。」
「我好識得活在當下，會好好珍惜每一分每一秒…包括同你嘅時間。」劉世檜今天多了一份笑容，不再像往常的厭世臉。
宏觀整個車廂，一個正常的香港人怎會在早上充滿笑容，顯然他有些不尋常，整個人的氣質充滿輕浮。
鍾隨心被這句低級情話弄得一怔，視線移開後才緩緩說著。「我係話人哋嘅時間…同埋有啲嘢錯過咗就冇機會返轉頭。」
劉世檜沒有理會，只是悠悠吹著匙羹內滾燙的粥。
「遲到啦快啲返去!!」鍾隨心不斷幹擾劉世檜，潑著手上的小口粥，他小口吃下，無視他的騷擾，嘴唇越來越近，畫面就像準備要親下她的手，鍾隨心害羞的收手，靜靜地在一旁看著他吃完。
學校鐘聲響起，還在中途慢慢前進的行屍們，此刻化作瘋狂的喪屍，而在這群屍潮當中，余程天搶佔頭位，用其他人望塵莫及的速度奔跑至校門，忽然他感覺到自己背包被人一扯。
「早晨呀~喊包」凱婷追上了他，並且緊緊捉著他的背包不放，余程天只能被迫站在原地。
後方的大群人趕上來，此刻鐘聲剩下最後一響，凱婷放手並極速奔跑 「要遲到喇仲企喺度做咩呀!」她回頭壞壞一笑，殊不知此刻她被前方凹凸不平的道路絆倒。
跌下去之際，余程天捉緊她的背包，兩人跌跌撞撞在最後一刻倒進校門
「你哋兩個遲到。」 並列趴著的兩人抬頭看見面無表情的女風紀默默寫下什麼。
「明明就冇遲!踩線到㗎喎，風紀大曬?我唔理，我點都唔畀學生證你㗎」凱婷掃一掃自己的裙褂站起身徑直走去。
女風紀淡然回答 「唔緊要，5E錢凱婷，應該冇咩人唔識你。」
「你咁樣講咩意思!?」凱婷聽到最後一句不忿地停下來回頭走向那個風紀。
余程天站在兩人中間，對著凱婷說「算啦算啦，佢冇心㗎，佢個人係咁!唔識講嘢」
女風紀的聲音顯得比剛才更加冷酷嚴厲「5A…余程天，成日上堂掛住玩，亂搞男女關係成日同其他女同學有身體接觸，成日講大話，成日遲到…成日口花花，最識講嘢係你啦? 我冇記錯呀嘛?」
「唔好咁啦，文靜~」余程天溫柔地說
「唔該尊重啲，同學，我哋唔係好熟㗎咋。」 女風紀怒視著余程天，隨後又看著一旁的凱婷。 「睇嚟你而家又轉咗興趣，哼。」
片刻後，凱婷小聲地說著「睇係佢對你好大怨氣。」
「佢係我個Ex，性格不合分開咗。」 余程天悄悄地說
凱婷揶揄道「你都幾鍾意外表係乖乖女類型喎，上年嗰個啦，頭先嗰個啦…同埋前面嗰個啦」
余程天隨著她的視線看著前方，看到在小賣部吃著三文治的李彤，不自覺地漸漸垂下頭來。「之前嗰件事…要保守秘密。」
凱婷刻意提高聲調 「你話見到你最好嘅朋友同你最鍾意嘅人喺埋一齊，之後你啲埋喺公園喊嗰件事?」
「呀!!收聲啦八婆。」 余程天捂著她的嘴巴，慌張地看著周遭。
凱婷極速掙脫開懷大笑說「講笑講笑，我問過彤彤，佢哋唔係拍緊拖，即係你仲有機會啦，同埋既然你同佢係兄弟，你係咪應該要信下你朋友呢?」
余程天低頭思考片刻「都係嘅，多謝你嗰日陪咗我成晚，原本以為你係啲串串貢嘅死mk，雖然而家都係串串貢，但係你係一個好人…」
「我掌臭你個咀，講到好似比好人卡我咁，係咁啦。」 凱婷豎中指說罷後轉頭便離開
余程天看著班隊隊伍，理所當然地不見劉世檜，星期一的早會是到禮堂聽著講座，對於學生來說大部分時間是補眠的好時機。
「我哋今日好榮幸邀請到，2035年，也就是今年嘅十大傑出青年之一，易醫師同我哋做講座。」在台上說話的是秋老師，這間學校公認人美聲甜性格和藹可親的女老師，同時也是5A班的班主任。
余程天再次有意識的時候便是演講接近尾聲，此刻剛好聽到其中一位女同學站起來詢問易醫師問題「我想問下當初點解你會選擇做一位醫生? 」
易醫師拿起話筒「無能為力嘅感覺係好痛苦，天意無常，雖然人類有時會展現強大嘅毅力，但係好多時候人類都係好脆弱，曾經一位我好重要嘅人喺我面前死去，而我咩都做唔到，連望佢最後一眼都唔得。」
「生老病死係人生必經階段，我只係希望每個人在此之前可以盡可能留低較少遺憾，呢個係我選擇做醫生嘅原因。」
隨著演講結束，演講嘉賓的易醫師靠在走廊的圍欄處，看著遠方像是想著什麼，手中的火機不斷被他點燃，一個身影從他的餘光處走近，他下意識地說著「我唔係食煙…撻火機只係…」
「只係你諗嘢嘅習慣…好耐冇見喇，小易。」秋老師微笑靠近
易醫師仔細地盯著她的面孔「秋淑儀! 靚女咗咁多…認你唔到，自從嗰次之後我哋好似冇再見面。」
「頭先最尾你講到好感人呀，嗰陣見到你本來以為你已經…估唔到你而家事業有成，但係你似乎仲係忘記唔到…」
「冇辦法，醫生記憶力一定要好，仲要承受到寂寞同枯燥，呵呵。」易醫師託一托自己的眼鏡。
秋老師接著說「之後嘅舊同學聚會你係咪都會一齊嚟?」
剛好這時候學生正在排隊回到班房，余程天看見秋老師便馬上說著
「Miss秋~幾時畀番嗰張通靈紙畀我?」
「成日淨係玩埋啲無聊嘢，仲要偷偷哋夜晚留喺學校玩，如果唔係畀校工見到你下次係咪要喺學校瞓埋覺…真係呀…等你表現好啲先啦。」秋老師沒好氣地說著
聽到通靈紙三個字，易醫師似乎有少許驚訝，訓斥到一半的秋老師忽然意識到他還在後面，連忙轉頭。「唔好意思呀，小易，而家係咪要走啦?」
易醫師看一看自己的手錶「我等緊車，仲有時間。」
「我仲以為你係揸車過嚟㖭。」
「咁啱拎咗去整。」
「係喎，學校話有啲嘢畀你，好似係關於下個講座嘅嘢…你跟我過嚟呀~」秋老師帶著易醫師前往教員室，她的桌子位置非常近門口，上面堆滿雜物，部分是來自學生千奇百趣的違禁品，一部分則是她自製的藝術品，雕塑繪畫都充滿統一卻又有變化的禪曉圖案。
秋老師俯身下去尋找，易醫師注意到桌上被沒收的通靈紙，不自控伸手觸摸，正想慢慢把它拿出之際
「秋老師，你個學生又遲到，循例都要打電話畀家長。」一道聲音從後面傳來，易醫師馬上縮回手。
片刻後兩人簡單道別，易醫師走下樓梯準備離開校園，正在上來的劉世檜與他擦身而過，易醫師餘光掃視一眼，直至到劉世檜走遠，他的腳步越來越慢，停下回頭看著他的背影。
剛才的剎那間，鍾隨心覺得他身上有一種熟悉的感覺，亦都回頭看去…
「佢係咪望緊我?」鍾隨心惘然一問， 聞然劉世檜轉身看去