[重口味]黑貓館: 第五十二回 放縱自己
第五十二回 放縱自己
過咗幾日亞信返工又係lift口撞到軒仔,兩個人少有咁打過招呼,亞信問:[你....重有無同昌少去....玩?]
[無呀,叫雞呢D野唔啱我,我搵到D更好玩嘅野.]
亞信聽完都有小小放心,起碼佢唔會知道昌少做咗佢老豆先.不過一諗起佢自己都有份幫趁過又覺得有D內疚.
返到餐廳如常做野,對於嘉嘉同權哥拍拖呢件事佢無問過亦唔想問,大家表面若無其事繼續hehehaha.
但係亞信已經再無好似以前咁無事獻殷勤,亦小咗同佢地一齊食煙吹水,費時阻住人地啦.
忽然間亞信好似對所有野都唔在乎,覺得好失落,工作無前途愛情同樣失敗, 一個人覺得好寂寞,好孤單.
當一個男人覺得苦悶時最易搵到慰藉嘅方法就係叫去雞, 只要幾舊水就有一個女人同你做情侶先可以做嘅事.而當中拍拖所需要嘅時間同金錢你可以全部摼返.
而最後得到嘅結果幾乎係一樣,而且選擇又多無咁單一,付出最少就可以有高回報,從經濟學呢講叫雞絕對係物超所值,當然要做好風險管理啦,就係中性病囉.
亞信雖然讀書唔多,但係都明白呢個係一個高回報投資.
於是佢開始學習叫雞呢個動作.為咗要做好每一項投資,所有人都要按步就班唔可以心急.因此亞信就由最熟識開始.
小紅係佢第一次叫雞目標,好自然搵返佢,
初初亞信都好滿意,但係試多幾次覺得有D唔對路,每做一次個人就覺得越空虛.點解?連佢自己都唔知.
亞信又再企係呢間紅色燈光照住嘅房面前,
舉起手準備㩒落去個鐘到,當就呢掂到個制時停底咗.
猶豫咗一陣決定放棄,打算轉身離開,行過E房時佢諗起軒仔亞媽.
唔知挑起邊條筋,亞信一野就㩒落個鐘到.
又話覺得對唔住軒仔,現在又搵人地老母,身體果然係最誠實.
門好快大開,少霞一見係亞信即刻收起笑容,唔知點解少霞心情好差唔係好想做佢生意.
佢一開口就話:[加咗價六舊三味.]
亞信聽到:[吓....]
[覺得貴去隔呢,平好多,一係搵小紅囉收費合理.]
未講完少霞已經準備閂門.
[咁OK,我比.]無諗過亞信會無問題,
少霞打開門比亞信入呢然後話:[除衫沖涼先.]
同時自己亦準備除衫.
忽然亞信話:[我....唔係想做.]
少霞望住佢,做咗一樓一咁耐有乜怪客未見過,
於是問:[跳舞要加錢,影相再貴D.]
亞信呆一呆:[吓....我唔係咁意思.]
少霞繼續講:[SM我唔做,你搵第二個.]
亞信係咁令頭話:[妳誤會,我唔係好呢D野呀.]
少霞諗佢九成想玩D變態野於是話:[我呢到無黃金聖水呢D野玩架喎.]
[唉……都話唔係囉.....]
亞信越解釋越亂.忽然講講下聽到自己個肚咕咕聲,
唔知係心血來朝定有預謀,佢話:[我想....搵人倍我食飯.....]
[吓.....]今次到少霞O晒嘴.
睇住亞信佢好似唔心息咁,於是少霞話:[得,出街七舊.]
亞信居然點頭OK,佢行返去門口等少霞換衫.
少霞無諗過佢會應承.早知開夠一千...
佢攤大手掌示意先比錢,亞信係銀包攞咗七舊出呢.
少霞接過即刻起身連衫都無換就咁著住白色bra top同熱褲仔,穿起一對三吋高踭鞋攞埋手機就落樓.
兩個人坐係對面間茶記,一入去茶記老闆已經笑笑口同少霞打招呼,
少霞好風騷咁同講:[老闆,好耐唔見你上呢啦.]
[係呀,無時間丫嗎.]
少霞成個人挨埋去講:[忙定係有新歡呀.]
老闆望住少霞對八字波見無人睇到伸手揸咗幾下過手癮.[都係妳好雙乳,其她女邊及得上妳呀.]
一路講隻手就一路搓,軟綿綿又真係幾過癮嘅.
之後又話:[妳今日落呢食飯我請.]
少霞笑笑口話:[唔洗啦,今日有人請食飯.]
兩個人同時望住亞信.
亞信見到少霞對住熟人同自己嘅態度一百八十度轉變,個心有D酸.
兩個人坐底之後,老闆過呢問:[食乜野.]
亞信望住餐牌諗咗一諗:[什扒飯凍檸茶.]
少霞望住老闆笑一笑話:[咖啡.]
老闆問:[唔食野?]
少霞搖搖頭.
當老闆行開之後亞信問:[做乜唔食野?]
[我陪你食,我無話要食.]
然後望一望手機講:[你重有二十五分鐘.]
亞信覺得好無癮,真係貼錢買難受.
老闆好快就攞咗野食過呢放底就行開咗.
只有亞信一個人食,兩個人基本上係零溝通.
亞信好多次想開口講野但係又唔知應該點講好.
食食下飯突然少霞企起身,亞信見到佢對八字波震一震.
於是問:[做乜呀?]
[夠鐘.]
然後就離開茶記返上樓.亞信咁就食咗一個七百七十五蚊嘅什扒飯.
少霞對亞信個態度極差,好明顯要佢知難而退.
不過佢唔知宅男毒起上呢係有幾執著,
亞信幾乎個個星期都去搵少霞一次,每次都係食什扒飯,每次都係坐嗰個位,
每次少霞都係無換衫,每次兩個人都係無野講.
少霞原本都覺得好煩,不過又諗既然有錢收又唔洗做何樂而不為.
今日又係咁,亞信一邊玩住交友app一邊食飯,
少霞坐係到飲野,間唔中偷睇下亞信做乜.
見到佢玩交友app當然唔會陌生,有時無客佢地都會係呢D app到搵客.
咸濕佬真係邊到都有.
食食飯下亞信終於忍唔住開聲:[其實,我有D野想同妳講.]
少霞無出聲好似當佢透明咁,只係望住窗外手拍不停叩住塊玻璃發出啪啪聲.
亞信繼續講:[妳係唔係有個熟客叫昌少?]
少霞好敷衍咁話:[唔知邊個昌少.]
[好細過好似細路扮大人咁嘅呢.]
少霞諗咗一諗:[哦....嗰個有錢仔.]
[可唔可以唔再做佢生意呀?]
[痴線,佢出手都唔知幾闊綽.]
[但係我唔想....]
亞信唔知講唔講好.
少霞話:[做乜呀?想包起我呀?]
亞信諗可能佢誤會咗自己:[我唔係咁意思.]
少霞話:[你唔洗講啦,總之邊個比得起錢我就同邊個做.]
少霞手指不停拍直至佢聽到一句說話停底咗,
[佢係軒仔D同學.....]
少霞無出聲亦唔知可以講乜.手指又再開始拍打玻璃窗,但係睇落似手震多D.
過咗一陣佢企起身話:[講完啦,夠鐘.]
然後起身走咗,亞信洗咗咁多錢就係為咗講呢句?
當少霞以為亞信講完想講嘅野唔會再呢事,亞信又再出現係面前,
少霞話:[我怕咗你,最多我唔收你錢,有乜野講晒佢.]
亞信今次搖搖頭,少霞話:[咁無野講你又呢?]
[又係妳話出得起錢就得嘅.]
少霞真係反晒眼,佢話:[怕咗呢,咁入呢啦.]
亞信企係門口講:[我真係只想搵人陪我食飯咋.]
少霞真係忍唔住笑咗出呢.亞信第一次見到少霞對自己笑.
兩個人又落咗去茶記,老闆行過呢話:[什排飯凍檸茶?]
亞信點點頭,
老闆再問少霞:[咖啡?]
[嗯...]
當老闆準備行開時少霞講:[老闆,加多一份腿蛋治.]
今次係少霞第一次肯正經同亞信一齊食野,
雖然亞信份人怪怪地,但係覺得佢無乜機心,於是都放下戒心.
呢樣野對少霞呢講唔易,多年來受都嘅教訓令佢對人已經失去信心.
亞信食住什排飯間唔中偷望下少霞,佢一路都有留意其他食客點睇佢地,
特別係有無人同自己一樣偷望少霞對八字波.畢竟著住bra top入茶記嘅人唔多,
可能係呢區先會有咁嘅獨特文化.
亞信見今日涼涼地,少霞望落好似有D凍,佢除咗身上件外套起身行過去少霞側邊.
少霞望住佢問:[做乜呀?]
亞信無出聲只係將外套披係佢身上然後坐返埋位繼續食飯.
少霞呆咗係到,忽然有一股暖意湧上心頭.
佢望住亞信食飯個樣,睇唔出呢個死肥仔咁細心.
見佢次次都係邊食飯邊玩交友app,忍唔住一手搶咗佢個飯,
今次到亞信問:[做乜呀?]
[肥都咁重成日食什排飯.]
亞信又一手搶返:[咁好食丫嗎.]
少霞又再搶過:[肥成咁邊有女人會鐘意你呀.]
亞信又再搶過:[我肥唔肥都無女人鐘意架啦.]
少霞一手打落去亞信隻手搶返碟飯然後大叫:[老闆,一碟油菜.]
亞信見佢好似發火唔夠膽再搶,
少霞望住佢講:[你連自己身體都控制唔到邊有女人會睇得上你.]
[咁我又無錢無樣.]
[你今年幾多歲呀?]
亞信即刻耷底頭講:[三十...]
[現在先三十歲,幾時到七老八十呀?你想成世叫雞呀?]
[咁妳呢?]
崩口人忌崩口碗,亞信講咗句唔應該講嘅說話一野吉中少霞死穴,少霞即刻嬲爆爆咁起身走人.
咁啱老闆放底碟油菜.亞信望住呢碟野再望住什排飯,
[唉~~~~~]
原本以為今日可以打破悶局,點知現在重衰多幾錢重,
佢又再望住個天充滿怨氣咁講:[你玩夠我未呀?]
少霞好嬲咁上返樓,好大力咁閂門成層樓都震晒.
坐係床上面發脾氣:[死肥仔..得吋進呎.]
呢個時候佢先記起亞信件褸重披係自己身上.即刻除咗落呢行過門口,
打開門一手張件褸掉出去再閂門,睇呢亞信真係無運行.
未完待續