[重口味]黑貓館: 第三十六回 第一次

第三十六回 第一次

望住靚女亞信已經魂不付體.
靚女繼續講:[係呢,之前講個plan覺得點呀.]

[個plan....]
亞信諗起話食完飯去爆房,望住個靚女即刻成個腦都係4級畫面.

[無...無問題.]



靚女笑得好甜咁望住佢話:[咁就好啦.]

然後係公文袋到攞咗一份文件出呢話:[如果無問題咁麻煩你係呢到簽個名.]

[吓....?]
亞信諗乜爆房都要簽名?

呢個時候侍應生攞住杯水過呢放底.
亞信再問:[做乜要簽名?]



靚女真係好口渴飲咗幾啖水,正當想解釋時忽然電話響起.
佢望住個電話猶豫咗一秒,再望一望亞信然後接咗個電話:[喂....黃生?]
靚女又再望一望亞信然後企起身東張西望.

同一時間亞信都收到MSG.
3+人妻:[我到咗啦,你坐係邊呀?]

亞信諗乜d msg delay得咁緊要,
佢望住眼前位靚女,
靚女好尷尬咁笑一笑講:[唔好意思....我認錯人.]



然後攞埋佢飲過杯水起身行咗去另一邊.
亞信望向遠處,
見到有位同自己差唔多樣貌身形嘅男人企起身對靚女揮手,
Shit….原來只係攪錯咗空歡喜一場.

咁3+人妻呢?

亞信望住靚女個背影,
佢經過門口時有一個全身圓轆轆重要著住緊身褲嘅肥婆,
手上面攞住手機東張西望.

個肥婆望向亞信方向停底咗,面上夾硬擠出一個笑容揮手,
同樣亞信都好似面揪筋咁跳咗一下心中大叫Shit…中大伏.



肥婆行到埋亞信身邊問:[你...就係180消防巴?]

亞信塊面嘅肌肉不受控咁又再跳咗一下講:[妳係...3+人妻?]

肥婆無應佢只係:[唉~~~~]叫咗一聲然後坐底咗.

兩個人都無再出聲,大家都知乜野事.
亞信係到諗緊好唔好起身走,不過咁又好PK.

反而肥婆好似無打算走,佢重開始叫野食.
侍應行過呢問:[小姐要乜?]

肥婆話:[一個蔥油豬排飯多蔥油多飯,一杯珍多冰,再加一碟牛油雞翼.]

亞信聽到佢叫咁多野都有d驚,睇呢佢想食餐勁,


好彩唔係食日本野啫.

侍應再問:[咁呢位先生呢？]

[我...一個生牛肉湯河得啦.]

[重有無其他？]
亞信搖搖頭

肥婆就話:[係咁多先.]

亞信係到諗事到如今邊食邊打算啦.
落完order之後又再靜晒.

肥婆望住亞信忍唔住伸咗句:[唉....又話180高.又話自己係消防巴.]



亞信今次連條眼眉都跳埋.
[我話180….無話係高度喎,而且....做消防都有好多唔同崗位架嗎.]

肥婆好不肖咁問:[好丫,咁你做乜部門呀?]

[文職.....]

[超,你話做處長都得架啦.]

[咁....妳夠話自己係3+人妻囉.]

[喂!!我邊有講大話呀!?咁我真係三十幾歲人妻丫嗎.]
呢一野疾到亞信出唔到聲,人地又真係無老作喎.



[咁....妳張相都同真人唔同.]

肥婆即刻攞起手機開咗張相出呢比亞信睇.
[咁呢張啦?成個城城咁,你唔好話你無P圖呀.]
亞信又出唔到聲野野處於下風.

[咁....妳夠話妳只係少少肥啦.]

肥婆聽到呢句有D火,
一手拍落檯講:[乜我依加好肥咩?160磅有幾肥呀?我呢D叫可愛.]
亞信諗唔係亞化邊到呢嘅自信五呎差一吋160磅咁都唔叫肥叫乜.

兩個人面黑黑各自各食無再出聲,亞信只係想盡快食完飯走人.

食食下肥婆又再問:[咁book咗房未呀?]
亞信聽到幾乎噴晒食緊D河粉出呢,無諗過肥婆居然重有興趣去爆房.

望住佢對應該都有40F嘅巨乳,揸上手應該都幾過癮嘅,亞信猶豫咗一陣.

其實房就book咗,但係屌唔屌好呢?
佢再望一望肥婆個樣,特別係個血盆大口,
係到鯨吞緊眼前嘅食物,真係過唔到自己條底線.
於是話:[未.....]

肥婆聽到又再發火,
[屌,你係唔係路架,房又唔book點學人偷食人妻呀,洗唔洗老娘教埋你去邊買套呀,我玩咁耐app食咁多仔都未撞過好似你咁cheap嘅男人呀,重有呀~~~~.]

肥婆鬧到停唔到口好似開炮咁轟過呢,亞信真係忍無可忍.
一手拍落檯企起身好大聲講:[我去叫雞都唔屌妳呀死肥婆!!]

原本嘈過街市嘅朗豪坊忽然間靜到蚊飛過到聽到,全世界D人都企定定望住佢.

亞信無理會其他人目光起身走人,
點知行咗兩步肥婆大叫:[喂....食野唔洗比錢呀!!]

亞信嬲都沖過去係銀包攞咗三舊掉係檯上講:[食L死妳呀肥婆婆!]
講完再轉身走人.

真係嬲都震,
最慶係book咗時鐘酒店無得退錢,
嗰到已經唔見幾舊,現在又再洩多三舊.
大佬夠成個月課金丫嗎.

結果行下行下去咗油麻地,見到眼前出現一個粉紅色燈範寫住XX按摩.

今日洗咁多錢都係想出火啫,既然食唔到人妻,
亞信把心一橫索性去叫雞.

未待待續