[重口味]黑貓館: 第三十五回 陌生的熟人

第三十五回 尷尬

軒仔比個男人撞到暈一暈,企係到定一定神,聽到把聲即刻抬高頭一望,見到就係今朝出門口時撞到住係隔離嘅亞信.

亞信同樣望住軒仔呆一呆,
佢跟住問:[你企係到做乜?]

[我....我等朋友.]

[吓,呢到你有朋友?]



[佢....入咗去.]

亞信望一望幾間房.又再望一望面前嘅軒仔攞住兩個書包,又唔多似講大話.

軒仔又好醒目咁問返轉頭:[咁你又係到做乜?呢到全部都係一樓一喎.]
亞信一時間啞口無言.

亞信無乜心機死狗咁:[唉~~~~唔好提,走啦唔好企係到啦,最多我請你落樓下食野.]



軒仔都覺得無理由企係到等,點知昌少玩幾耐.
於是兩個人去咗街口一間好舊嘅茶記坐.
各自叫咗個茶餐食.

兩個人無乜野講,或者唔知講乜.

軒仔好奇咁問:[你去叫雞呀?]

亞信食食下個沙嗲牛麵停底咗，佢吞咗口中嘅麵飲咗啖凍奶茶,
然後又嘆咗一口氣:[唉~~~~]


之後點點頭表示係叫雞.

[你...成日叫架?]

亞信搖一搖頭然後又再:[唉~~~]
之後舉起一隻手指,軒仔明白佢意思應該係第一次.

一個男人第一次叫雞難免有D失落,正所謂有頭髮邊個想做癩痢.

不過失落到亞信咁又誇張咗D.
亞信跟住講:[其實.....我今日係約咗位人妻,諗住去開房.]
軒仔飲咗啖紅豆冰無出聲,等亞信繼續講.

[話說我今日約咗位人妻係朗豪坊食飯.]



亞信開始慢慢講返今日發生乜事.
佢一早食完早餐就返屋企準備.

第一次約女真係坐立不安,係房到行又唔係企又唔係,
跟住聽到唔知樓上定隔離裝修,嘭嘭聲覺得好煩於是出街好過.
住劏房最攞命係聽到裝修聲其次就係扑野聲,兩種都咁煩.

一早就到咗朗豪坊,
唔知邊個天才設計師諗出一D咁反人類習慣嘅建築物.
朗豪坊真係又細又唔好行,
當你想要去一間舖你好似要玩飛躍道咁左閃右避先去到.

係到磨咗幾粒鐘終於等到差唔多時間,亞信到咗約好嘅越南餐廳重攞埋位.
坐底之後就通知對方.



180消防巴:[我到咗啦.]

3+人妻:[咁快?]

180消防巴:[當然啦,無理由要妳等我架嗎.]

3+人妻:[你等我一陣,好快到.]

180消防巴:[OK,我坐近門口.]

亞信坐係到望住個餐牌諗緊食乜好.
睇咗一陣,
忽然有一把好甜嘅女性聲音講:[唔好意思呀,遲咗小小.]

亞信抬頭一望,見到一位長髮靚女企係自己面前對住自己笑.


一身整齊黑色套裝衫裙,手上攞住個公文袋,戴住眼鏡好斯文好靚.

雖然之前睇過相都有心理準備係P圖,
真係打過半價都已經還得神落,完全無諗過真人可以靚得咁緊要.

亞信呆咗唔識反應,
靚女坐底係之後即刻叫侍應:[唔刻,我要一杯水.]

然後
亞信D職業病開始發作忍唔住講咗句:[係..重有無其他?]

靚女問:[吓?]

亞信即刻係到兜:[無...無乜野.]



靚女見無野就繼續講:[唔好意思,剛才塞車所以遲到.]

[唔...唔緊要....我都係...到咗...一陣之嗎.]
成世人都未試過同一個咁嘅靚女坐埋一齊食飯,亞信緊張到唔識講野.

未完待續