[重口味]黑貓館: 第二十二回 入大學

第二十二回 入大學

離開監獄,
舒晴又再跳上的士.

望住出面嘅風景,
又再想起一D十幾年前嘅往事......

當年嘅子仁重係青靚白淨,
有一日佢一入屋就好興奮咁大叫:[家姐!]


而舒晴已經係大學最後一年,
所以係房好專心溫緊書,
聽到子仁叫自己即刻放底書行出房問:[做乜事咁興奮?]

子仁一手捉住舒晴話:[我考到入大學啦!!]

舒晴好大力咁攬住子仁講:[吓!!恭喜你呀.]
比家姐對豪乳壓住,
子仁覺得有既舒服但係又唔好意思.



舒晴反而覺得無乜野,
可能當佢細佬依然係小朋友.

佢講:[咁我地以後可以一齊返學啦.]
兩姊弟入到同一間大學應該係好開心.

不過有D人原來唔係咁諗,
坐係梳化睇緊賽馬直擊嘅亞媽企起身,
呢個消息對佢呢講好似意料中事咁.
佢放底本馬經講:[仔當然要讀多D書啦,女都唔知讀呢做乜?]



子仁聽到呢句即刻回應:[媽,妳又呢啦,現在唔係清朝呀,女人讀完書一樣有好多出路架.]

[你識乜呀!!女人遲早都要結婚,嫁咗出去就係人地老婆.]

[媽!!]
子仁重想同亞媽理論,
不過舒晴一手拉住佢搗搖頭叫佢唔好再出聲.

知道亞媽重男輕女,
舒晴係屋企一向比人當做工人,
年紀細無能力反抗亦只好逆來順受.

亞媽一眼都望過個女就講:[重企係到做乜?去煮飯啦!!]



[哦....]

舒晴行入廚房子仁都跟係後面.
舒晴講:[今晚等家姊煮餐好嘅同你慶祝.]

子仁細細聲講:[唔洗啦,我地夜D出去飲野慶祝重好.]
舒晴偷偷笑然後點點頭.

一家三口食完飯,
舒晴要做埋D家務,
而子仁就係房打機.

當做完所有野望望鐘都差唔多九點.
舒晴入返自己房繼續溫書.
到差唔多十點幾,


亞媽沖完涼就入房瞓.

子仁靜靜雞行去家姐房叩一叩門,
見到舒晴已經換好衫,
一條花長裙好有少女氣息.

未完待續