[重口味]黑貓館: 第二十一回 探監

第二十一回 探監

石壁.

可以話係香港最高設防監牢.
專門囚禁一D重犯或者長期囚禁嘅犯人.

舒晴每次去呢到都要一早就出門,
重要用咗成粒幾鐘先呢到,
去到又要過關斬將攪一大輪手續先入得去.



同其他探監人士一齊坐係一間比玻璃分隔嘅房間入面.
等咗一陣有三個男人著住相同囚衣行出呢.
一個中年白頭髮亞叔,一個骨瘦如柴好似道友,
重有一個三十左右黑黑實實幾高大靚仔.

呢個高大男人坐係舒晴面前.
舒晴即刻手放係玻璃窗上面講:[子仁,你好似又瘦咗.]

子仁笑笑口話:[我?無呀,大隻咗就真.]


然後show一下自己隻手瓜.

[妳呢,著到咁性感一陣去拍拖呀?]

舒晴一手拉開件外套對深溝又再露出呢,
[咁叫性感?]

子仁望住條深溝真係流晒口水:[係呀,耐無掂過女人係咁架啦.]

舒晴重特登夾一夾對豪乳.


陰陰嘴笑住講:[係唔係好想呢.]

子仁都笑笑口講:[妳話呢.]

[咁你咪玩下男人囉,分分鐘重好手感呢.]

[嗰班咁醜樣,梗唔落喎.]

舒晴又陰陰嘴笑:[你青靚白淨喎,有無守唔住個後門呀.]

[痴線,妳估呢到美國咩,邊有咁多基佬呀.]

[我點知呀,成日都話入面唔好跌番皂嘅.]

[防心喎,我揸舊番皂揸得好實.]


子仁又再show隻手瓜.

[係呀....咁等你出呢我試下先.]

[到時妳鍾意點玩都得啦.]

舒晴一手指住佢講:[嗱,你講架,我買定D假狗呢招呼你架.]

[咁我就要最粗嗰支啦.]

舒晴笑住講:[到時插爆你後門.]
面對子仁舒晴面上出現好耐無見過嘅笑容.
子仁手掌貼住玻璃窗,
兩個人手貼手無言以對.



舒晴表面開心,實則每次都忍住唔喊,
眼紅紅咁講:[好快.....]

見到舒晴想喊個樣子仁覺得好心痛:[係....時間過得真係好快,咁就十年.]

[嗯.]

舒晴講咗句:[對唔住.]
眼淚忍唔住流落呢.

[我都就出番呢啦,有乜好對唔住.]

[好快,你再忍一忍,下個月就出呢架啦.]

[嗯.]



[到時我接你去食大餐,你想食乜呀?]

[無所謂,最緊要係同妳一齊,食乜都開心.]

兩個人又再有講有笑,
如果唔係隔住塊玻璃真係完全唔似探監.

可惜時間有限,
聽到鐘聲響起,
舒晴只好依依不捨咁企起身.
當佢轉身準備走時,
子仁叫咗句:[家姐....等我.]

家姐?


佢地D對話似情侶多過姊弟喎,
睇呢佢地關係唔係咁簡單.