萬般皆是命，半點不由人，有樓有XX，冇樓咪白撞，我已失去了所有: 外傳第17章：分手(下，終於分了) (2012年5月4日晚)

早上在電話中，已知終於要分手了，其實，本應即時在電話內痛罵她一頓，然後立即提分手，當晚的「咖喱后」晚飯也不去了。然而，有這種「吉士」就不是毒L了。
 
當晚，原約定在荃灣港鐵站集合，但我在無預告下，到荃灣工廠區、她公司樓下接了她下班，她還笑笑口地說「驚喜」，我想「最後一次了，一陣你就夠晒驚喜」。
 
到「咖喱后」途中，我問她和我一起，有甚麼令你不快？她有點厭惡及「忟憎」地說：「你唔好成日提著以前D野啦」，我口「哦」，心想「好似成日提著以前D野既，係你，唔知邊個成日「以前同阿John行唔使畀錢」、「以前阿John乜乜七七」呢」？

先到南豐中心，她先買了一雙襪子，才十多元，也要對我呻「D襪好貴」(乜意思呢請問？)，然後訂了一個蛋糕，是為了fans club的「豬姐狗妹」朋友生日，猶幸她還懂自己付錢(對著我就成日話冇錢冇錢？)，但我看見她錢包，付了蛋糕錢後，好像已乾塘，她無表示，亦無提款意圖，很明顯，和我吃飯，她已無付款意識了。

到了「咖喱后」，浦點了菜，我便向她說「不如我地做返好朋友，2月26號之後既事當冇發生過，返返去2月26號前，好嗎？」，當然，好人的毒L繼續做，我沒有對她半句批評，以「我崇尚單身，唔會結婚，無謂拖你」做籍口。
 




她無半點驚訝，無半滴淚水，無半句挽留，平靜非常地接受。唯一的「不開心」，就是「唉我屋企人個個都知我同你拍拖，而家我要同佢地講返唔係呀。我阿媽(按：又係！)仲一定會話係我既問題所以至分手呀….」。雖然這是事實(也是這半個月來，她少數正常合理的說話)，但繼續好人的毒L，還是拿屎上身，「唔好咁講！你好好！係我唔想累你…..」
 
吃完後，我送她上小巴，然後各自回家，我回家途中，還不斷用手機留意她的facebook，已見由「戀愛中」轉為「單身」，我的照片、留言，一張接一張、一個接一個地…..第二天早上，絲毫不剩了。
 
5月8日，她unfriend了我，好，你初一我十五，我封鎖了她。同時，我unfriend了Mandy，Mandy也在數小時後，封鎖了我。
 
5月8日，找Tina吃飯詳談此事，她聽得目定口呆：「下？咁佢又唔應該拎你同阿John比既…..AA味AA囉…..邊有得話以前男友畀晒，就而家既男友唔可以AA呢，唔得架嘛…..」(Tina當時仍和A拍拖，也是分文不付)。
 

事隔年多後，至2013年尾，我問Tina，其實我和Gigi分手，你有沒有不滿我，會不會嫌我像那叫雞不付錢男般，hurt了你的「姐妹」……Tina答：「咁我都要睇下係乜原因分手架，如果係識左第二個既，喂咁就梗係唔得啦，但我睇你既原因，我認為合理呀，咁我冇理由嬲你架…」，難得Tina這麼理性，而且這些事，女生通常只會盲目維護同性，「女仔梗係幫返女仔啦」，但竟然連Tina也不認同她。