萬般皆是命，半點不由人，有樓有XX，冇樓咪白撞，我已失去了所有: 外傳第16章：分手(中) (2012年5月4日上午)

5月3日晚，Gigi說和一個親戚去買鞋，很晚才回家。5月4日 1:00AM左右，我還見她的whatsapp斷斷續續地上線下線，不知在幹甚麼。
 
5月4日，晚上相約「咖喱后」。早上，我上班途中，打電話給Gigi，循例喧寒問暖數句「尋晚好夜訓嗎」之類。她忽然重提我之前批評Mandy一事：「你唔好咁話Mandy，Mandy唔係港女」……之後是一大堆為Mandy以惡劣態度指使男友搬行李的港女公主病狡辯，全部廢話，可以不理。
 
Mandy的港女惡行何止這樣？還有更嚴重的，每次旅行也要男友「畀埋Mandy份團費」，當然Gigi對此又是狡辯一堆，她推說這不是Mandy要求，是其男友堅持要付(當然又不知真假)，「有D男仔唔會畀自己女朋友畀錢架嘛！」，又是這句，已在半個月內聽過不知多少次，我終於忍不著：「你咁講係乜意思？你成日咁講我好大壓力架！」
 
當然，形已現，停不了，當初逼我和她拍拖時，甚麼也可以，此刻甚麼也拋到異次元了。跟著的，我大都已聽不進去，有印象的，大概就是：
「以前我同阿John都唔使畀啦……阿John唔使我畀架阿John唔使我畀架」(所以咪散囉！佢咁好，你死返去佢度啦)
 
「我同D朋友出街，我D朋友都會請埋我架」(打死都唔信！憑你？你乜新鮮蘿蔔皮呀？！)






 
「我同你開頭時，我好唔慣呀，係過左兩個星期啦，就慣喇」(又係你話「一人畀一次味幾開心」既。唔慣？食飯要畀錢好唔慣？嘩乜原來你萬人女神黎架？真係委屈你咯陰公豬！失覺晒！Tina咁多兵爭著幫佢畀，同我AA都冇話「好唔慣」！你？！)
 
「我都好辛苦架，返工車錢都好貴架」(關我L事？份膠工又唔係我叫你做既，你未同我行前，都係咁畀錢搭車返工啦！其實你係咪想拍拖後唔使畀返工車錢？)
 
括號內的紅字(如果你看得到)，就是我的心聲，但沒有吉士的我只能啞忍，不能反擊。
 
我已差不多回到公司，要掛線了，我記得最後一句，「以前我個個星期去阿John屋企食飯，佢會送埋我返屋企，送我返屋企時搭巴士我都唔使畀錢」。




 
「搭巴士唔使我畀錢」，日後竟一語成讖。