《愛在。貴族學園》: Ch 24 ~ 心碎 Part 3

Ch 24 ~ 心碎 Part 3（連載日期：2023/02/24）

坐喺附近嘅女同學A就即刻話「博宇你睇下啦！俊軒同小嘉，其實離遠睇上去，都好似幾襯咁喎！」呢個女同學A拍一拍隔離位博宇同學個膊頭，然後示意佢望去嘉惠同俊軒嗰邊。

博宇同學見到之後即刻，不可置否咁話「wow，佢地兩個咁快就咁close啦？不過話時話，黃同學唔係先轉校過嚟我地呢度幾日咋咩？唔通……佢地兩個喺嘉惠同學轉校之前，原先已經係情侶嚟？」

同學A即刻點點頭話「我就覺得係囉，而且博宇你……唔見俊軒同學，最近對住其他女同學收斂咗好多咩？以前成日莎莎滾咁撩女仔，依家？佢好似對其他女同學十問九唔應咁！」

呢兩位同學真係咁唔知道事實都有嘅（事實就係，韻喬同俊軒兩個開始曖昧）但好可惜，呢段唔係真嘅對話，就畀啱啱對愛情開始有憧憬，而且對俊軒開始有感覺嘅韻喬無意中聽到。





而韻喬呢一刻就好似心如刀割咁，個心痛得非常厲害。
 
不過以下嘅呢一段對話，就令韻喬更加覺得，有人喺自己嘅心入面灑鹽。灑鹽嘅係邊個？當然就係自己嘅“情敵”黃嘉惠同學。

「就算你唔畀我叫你做小軒，或者叫我行開，咁又點呀？！林俊軒，唔該你同我認真咁聽清楚，無論你依家同唔同個窮鬼拍拖，你到最後都肯定會同係我黃嘉惠喺埋一齊咖！」嘉惠非常認真咁同俊軒講。

俊軒聽到嘉惠接近要脅自己嘅說話，塊面已經黑到一個段，再好冷淡咁講「哈！都唔知點解你可以咁肯定，我最後一定會同你一齊先得咖？嗱，好坦白啦，其實我同邊個一齊都好，除非你真係convince到我，令我真心咁鍾意你啦。否則，我諗我將來嘅人生，都應該未必會關你事…」
 
「因為喺呢一刻，我嘅内心同我講，而且我自己都好清楚，我鍾意嘅人，唔係你，而係我女朋友，張韻喬！」俊軒都打咗個眼色畀韻喬，就係想話畀韻喬知，自己喺度保護緊對方，同時都向韻喬再一次表明心跡。





而韻喬就離遠咁對俊軒輕輕甜笑回應，同時都表達對俊軒保護自己嘅感激之情。

而嘉惠喺聽到俊軒呢番說話之後，就再發出一陣冷笑，就話「林俊軒！你唔係真係咁天真下話？我好認真咁同你講呀！就算你依家同我點反抗都好，去到最後都唔會有任何作用咖啦！因為我爸爸一定會同你屋企施壓，足以令到你可以心甘情願咁，以後都同我一齊！記住係永遠嗰隻啊！」

「黃同學，其實你到底知唔知自己喺度講緊咩咖？！話我天真？！你先至唔好咁傻咁天真呀！乜你以為你真係可以巴閉到，叫你爸爸同我爸爸媽媽講幾句說話，就可以令到我改變對小喬嘅感覺咩？」俊軒對於嘉惠嘅狂妄自大表示極度不滿。
 
「仲有呀！就算畀你喺小喬手上面搶走我同你一齊，咁又點呀？最多咪畀你搶走我嘅身軀，但係你又覺得，你自己一定可以由小喬手上，搶得走我個心咩？」
 
「所以我都勸你依家見好就收啦下，唔好再喺學校或者其他地方搞咁多嘢，同時都要認識到有一種愛，叫自己默默守護對方，希望你可以學得識，而且，我相信你爸爸一定有同你講過呢個道理！」





而喺呢個時候，禮謙都返到班房，不過面對呢種尷尬嘅環境，佢都唔敢翻番埋自己位，而係走去天殷、韻喬嗰邊。

至於天殷，為咗表達對韻喬嘅支持，於是就拖起對方嘅手。韻喬都做咗一個多謝嘅口型回應之。

（待續 ~）

IG link https://instagram.com/bear_big_big_writer