《愛在。貴族學園》: Ch 23 ~ 施壓 Part 6

Ch 23 ~ 施壓 Part 6（連載日期：2023/02/02）

「黃嘉惠，可唔可以同我解釋一下，到底你喺新學校發生咩事？點解要喺學校打同學？又要咁樣同同學講嘢？」
 
嘉惠一聽到爸爸嘅提問，就再一次諗起韻喬，以及喺學校、party裏面發生過嘅一切，於是成個人就非常激動起嚟，然後就同爸爸講話...

「咁係因為我鍾意林俊軒嘛！我之前話要轉校嘅時候，我都有同你講過呢件事咖！你都應該知道咖爸爸！！」
 
黃生其實都非常了解呢個皇帝女嘅“良好”性格，於是就話「呢個唔係我想要嘅答案。咁你話畀爸爸知道，點解你第一日轉校，就要咁高調話人地窮？而且仲要羞辱一個幫學校立過唔少功勞，成績又好嘅同學呢？」
 




「咁點解一間貴族學校裏面，會有張韻喬呢種窮等人家喺我鍾意嘅人隔離呀？點解大家都願意同呢個窮女打交道？！點解林auntie會容許自己個仔，同一個賤民喺埋一齊，而唔係要門當戶對，同個有錢女一齊呀？！」嘉惠一邊揸住自己嘅頭髮，一邊喺客廳度大叫，情緒幾乎瀕臨失控嘅狀態。
 
「咁呢個係人地嘅選擇嘛。阿女，你點可以話因為林家二公子，鍾意一個你自己睇唔上眼嘅人，就走去欺凌人地咖呢？而且人地都係女仔嚟咖！」黃生好言相勸道，因為佢自己都知道，呢個女由細到大都係受軟唔受硬。

而寵壞佢嘅人，正正就係自己個老婆。黃生於是又繼續講話「女，如果你真係鍾意呢個男仔，而且都想令到佢轉而對你有意思嘅話，你就唔應該用咁嘅方式去，去羞辱人地個女朋友，咁樣你唔單止得唔到林家二公子之餘，仲會令到你喺對方心目中變差咖！」
 
「而且，Daddy我唔係好明，點解你要人身攻擊張同學嘅家庭背景呢？Daddy以前有教過你去咁做咩？Daddy唔係由細到大，都教你要得到人地嘅尊重，就先要尊重他人同自己咖咩？咁點解你要唔聽Daddy話呢？」黃生繼續非常失望咁講

「黃嘉惠，今次我真係對你好失望！Daddy今次都已經聽咗你話，容許你喺呢個時候轉校，等你可以慢慢接近林家二公子，點解你要將件事做得咁核突呢？」
 




嘉惠終於都忍唔住，企起身講出佢内心想法「係呀！！咁又點呀？！我就係唔抵得嗰個張韻喬呀，佢人又靚、成績又好、又有人緣。最重要嘅係，我就係葡萄張韻喬可以有俊軒，但係點解我冇呀！」

「我唔理咁多呀！我要爸爸你同林家施壓，要令到零俊軒鍾意我！然後要佢同張韻喬分手！！」嘉惠佢要求嘅條件，目的就係想拆散俊軒同韻喬。

「黃嘉惠你！」黃生聽到呢番城府如此深嘅說話，居然係出自自己個女，表示極度驚訝同無奈「但係嘉惠你知唔知你咁做，就算你最後真係成功都好，林家二公子同張同學最後真係畀你拆散咗，然後林家二公子真係同你一齊啦，咁你會覺得林家二公子會真係真心鍾意你咩？」
 
「而且，當全班甚至全級嘅同學，都知道你用呢啲下三濫嘅手段，去搶人地嘅男朋友，你覺得你自己嘅良心可以過得去嗎？你覺得你自己可以一個人，抵得住所有人對你嘅指責同黑化咩？」
 
「爸爸我自己就覺得，你勇敢去追求自己幸福唔係唔得，但係你咁樣做嘅話，你係唔會得到真正嘅幸福咖！爸爸見到都唔會開心…」
 




「既然要拍拖嘅話，點解唔去搵一個真心鍾意自己嘅人，而可能要去做人地嘅影子呢？」

（待續 ~）

IG link https://instagram.com/bear_big_big_writer