《愛在。貴族學園》: Ch 19 ~ 一早 Part 5

Ch 19 ~ 一早 Part 5（連載日期：2022/10/11）

「唔使再搵小喬啦殷殷，小喬頭先同我講話有急事想走先，我地不如依家就返入去跳舞先啦！」俊軒一下就睇穿天殷面上嘅疑問，於是先下手為強，將答案話畀天殷知「不過原因…….我相信咁清楚小喬性格嘅你，都應該會知道咖啦！」
 
「下，喬喬又會咁突然之間都有嘅？明明我記得佢同我地講過，今晚小喬喺得閒咖喎！咁依家小喬佢自己一個返屋企呀？你做咩唔送人返屋企呀，“男朋友”？！」天殷瞪大眼反問返俊軒。
 
「唔係呀殷殷，咁係因為禮謙頭先都同我講話，佢咁啱話自己有事要走先，於是佢就主動提出幫我送小喬返去北角啦…」俊軒繼續同天殷解釋「不過，依家我就真係要入返去，同爸爸媽媽解釋咩事啫！」
 
「哦，我諗佢地應該都冇咩嘢吧，有咩咪直接同佢地講囉，你地嘅事喺佢地面前又唔係唔見得光嘅，反正我覺得，禮謙都應該會同程uncle講話自己走先啦…」天殷回應俊軒嘅答案「但係，頭先你地冇咩事發生下話？」
 




「都係氹下小喬咁，其實可以話冇。但係都可以話有嘅，因為……」之後俊軒將整個故事講返畀天殷知。

不過，當俊軒講到韻喬突然間主動錫自己嘅時候，天殷都唔能夠相信自己對耳...

「竟然有啲咁嘅事發生呀！你真係好彩啦林俊軒！不如咁啦，今晚或者聽日，我地同謙謙喺電話度，傾下之後可以點處理啦！」
 
「都好，就咁決定啦。好啦殷殷，都係時候要返入去會場都跳舞咖啦我地，廢事我地出去太耐嘅話，畀人懷疑就唔好啦。」「ok啦咁！」

二人返到入去之後，俊軒先帶同天殷同林太，以及同程家解釋返頭先嘅事。
 




林太聽完俊軒講就話「唔緊要啦小軒，你就去同李小姐跳舞啦，不過喺返到屋企之後，記得禮貌上今晚問候一下張小姐啦！」「知道！」；

至於程家，喺得知事情嘅來龍去脈之後，都表示諒解，而且都喺電話裏面，吩咐禮謙一定要好好照顧韻喬。
 
就當俊軒同天殷去跳舞嘅時候，「咦，林家二少爺你咁快就換咗第二個靚女做你舞伴呀？」講野嘅係俊軒今晚喺度新認識曹家公子陳煒明，旁邊仲有曉晨喺度。
 
「係呀，阿明。其實係咁嘅，因為張小姐突然之間有少少事，所以佢要返去先，但我依家又唔可以行得開，唯有托我另一個同學送佢返去屋企…」俊軒帶有少少尷尬咁回答。
 
「不過都唔差再介紹埋啦，呢位係李家嘅千金，亦都係我同班同學，李天殷小姐。天殷，佢地係曹家嘅曉晨小姐同陳煒明公子」





天殷伸出手同曹家二人握手「你地好呀，煒明公子同曉晨小姐，你地可以叫我做天殷就可以啦，幸會幸會！」
 
「你好呀，天殷小姐，你都可以叫我做Sarah咖！」曹家嘅曉晨回答道「天殷呀，不如我地都同佢地交換signal？」俊軒道。

「可以呀，一陣間我地就返去開group，就當係出年DSE嘅溫書group囉！」陳煒明同俊軒、天殷講。
 
「可以呀，咁就等你今晚開咗之後，你地再加我地啦。咁我同天殷小姐去跳舞啦，再見啦Sarah同阿明，失陪啦！」俊軒同兩位同齡嘅朋友講「失陪啦！」天殷都有同兩位新朋友道別。
 
「好啦，咁我地都唔阻你地啦。再見啦林二公子、李家大小姐，今晚都玩得開心啲啦！」

「承你貴言！」煒明同曉晨之後就行開咗，而俊軒就同天殷兩個，就入去舞池度跳舞，一邊放低平時喺學校嘅壓力，但同時都繼續講韻喬嘅事。

（待續 ~）

IG link https://instagram.com/bear_big_big_writer