《愛在。貴族學園》: Ch 18 ~ 鬧翻 Part 8

Ch 18 ~ 鬧翻 Part 8（連載日期：2022/08/31）

「係呢，禮謙同埋天殷呢？點解好似唔覺見到佢地兩個嘅，你有冇見到佢地兩個呀？」俊軒刻意提起禮謙同天殷兩個熟人，無非都係唔想韻喬因陌生環境而令自己太過緊張。
 
韻喬諗一諗就話「你話有冇見過殷殷同禮謙呀？我就到依家都唔見到佢地喎，會唔會係佢地都未到，又或者呢度個地方太大，所以到咗都未見到咋下？」

「可能啦，會唔會其實佢地都喺度搵緊我地咖？如果係嘅，不如我地返埋我地個位先？」「好呀！」說罷俊軒就帶住韻喬，返去自己張枱。

不過同時將韻喬都覺得自己所到之處，都有人望住自己同俊軒，搞到自己都好唔習慣。
 




但係俊軒同韻喬一返到去，就見到林氏伉儷同天晨集團嘅曹家一行人傾計。

林生見到俊軒同韻喬之後，就話「小軒、小喬，你地返嚟就啱啦。快啲叫聲曹uncle、曹auntie先。阿曹，呢個我個細仔，俊軒，同埋佢個女朋友，韻喬小姐。」
 
俊軒、韻喬同時同曹氏夫婦打招呼「曹uncle、曹auntie你好！」之後再同曹氏伉儷握手。

「林公子、小喬你地好，呢幾位係我家千金，家晨、麗晨、曉晨、泳琦、羽晨，仲有公子陳煒明。另外兩位，係陳家千金Ellen同Ellie！」曹生道。
 
「幾位你地好！叫我俊軒得咖啦！陳公子你個名，我之前都偶爾有聽過下，今日終於可以喺呢度見到本人啦！幸會幸會！」俊軒難掩小激動之情，同陳煒明握手。
 




「林公子你都過獎啦！而且你叫我呀明就得咖啦，大家都咁後生！」煒明好謙虛咁回應俊軒「至於我，都係因為有一班好嘅家人、朋友同埋女朋友幫忙啫！我自己都做唔到幾多至於，仲會搞壞件事，而且……你個女朋友都幾靚喎！」
 
韻喬聽到其他人讚自己都即刻面紅紅「多謝你先阿明！曉晨小姐今晚都着得好靚。不如，我地交換signal再聯絡？因為我見我地年紀都應該差唔多，唔知我地係咪同曉晨、泳琦同年？」俊軒提議。
 
「我地可以呀，而且多兩個朋友都唔錯！」曉晨笑笑口回應俊軒。之後佢地幾個連埋韻喬，就一齊交換電話「好啦，林家你地今晚都玩得開心啲，之後有機會再見同傾合作啦！」曹氏一行人之後就離開。
 
「小軒呀，頭先嗰幾個後生仔女，都好似唔係我地學校嘅人嚟咖喎，點解你會識佢地嘅？」喺同曹家一行人交換完電話之後，韻喬一臉懵逼咁問俊軒。
 
「哦，小喬係咁嘅，其實曹家嘅天晨集團，同我地林家嘅天榮集團，都已經合作咗一排咖啦。所以小軒識曹家嘅千金都唔出奇。不過煒明呢……我記得係曹uncle嘅繼子嚟，所以小軒應該都係第一次見….」林生一邊飲紅酒一邊講。





「不過，我都估唔到陳家嘅兩位千金，居然會同曹家嘅人居然一齊出現，真係有少少奇怪，明明佢地好似之前冇咩關係……」俊軒於是補多一句同韻喬解釋，但同時都提出一個疑惑。
 
林家佢地都坐喺自己位度一段時間，但係俊軒同韻喬暫時都未見天殷同禮謙佢地，「老公呀，嗰邊嗰個……好似係咪劉生？」林太突然之間指住另一個方向，然後問林生講。

林生喺睇清楚之後就話「咦，係喎老婆，而且劉夫人同埋佢地千金嘅都喺度喎！不如，我地全家過去同佢地打個招呼？」

林太聽完之後就同意話「好呀老公！小軒、韻喬，你都跟埋我地一齊出去見劉uncle啦！」「知道！」俊軒同韻喬一齊回應林太。
 
林生之所以提出要全家去同劉家打招呼，咁就係因為劉氏比嘉惠佢地黃氏更有錢，林氏當然要去打招呼。

當然，韻喬都再一次感受到難以呼吸嘅感覺，畢竟自己返埋位冇耐，又要跟住林家出去見人。

（以上曹家人物，乃屬《無啦啦多咗幾個家姐同細妹》嘅亂入，大家可以喺度search下，值得大家一看）

（待續 ~）





IG link https://instagram.com/bear_big_big_writer