《愛在。貴族學園》: Ch 9 ~ 嬲到爆炸嘅韻喬 Part 8

Ch 9 ~ 嬲到爆炸嘅韻喬 Part 8（連載日期：2021/12/16）

結果就係，韻喬都係忘記唔到頭先嗰種感覺，最後喺半夜三點幾扎醒咗。韻喬於是就坐喺自己張床上面，好大力咁一巴打醒自己

「張韻喬！今日所發生嘅一切都唔係真實咖！你係唔會，而且都唔可以愛上林俊軒個死人頭咖！知道未呀？」

韻喬之後就行出去厨房，斟咗一杯水畀自己飲，等自己可以再冷靜多一下之後，先至再去繼續訓教。

不過好彩，韻喬之後都可以一覺訓天光，而且都冇再發一啲奇怪夢。但韻喬知道，應該潛意識起咗變化，所以先會咁。
 




第二日起身之後，由於屋企冇人嘅關係，韻喬於是就把握寶貴嘅時間，全日都留喺屋企裏面溫書。

一來韻喬都要跟上學校嘅進度，二來韻喬就係想透過溫習，畀自己有機會去忘記尋晚所發生嘅事。

不過，結果去到夜晚，韻喬都係下唔到啖氣，於是喺食完飯之後，韻喬就打電話同天殷講一下，話自已決定要返學校，向林俊軒報仇。

「唔得！雖然個花心flirt女王口口聲聲話要補償我啫！但係我都冇咩實質嘅嘢揸喺手」

「不如就打電話同天殷講聲先，必要嘅時候等佢配合下我都好！」喺電話接通緊嘅時候，韻喬就同自己講咗上面嘅說話。





「喂天殷？」「喬喬？做咩打畀我嘅？」天殷好快就接韻喬嘅電話

「冇呀，掛住你咋嘛！你依家方唔方便陪我講電話呀？我屋企冇人好無聊呀！」韻喬好直接咁問天殷。

「我ok呀喬喬，不過你都會怕悶咖咩？我記得你一個人嘅時候，都會好靜咁睇書或者溫習咖喎?真係奇怪啦！」

「唔奇怪啦，而且今日我都喺屋企溫咗成日書啦，點都會想話輕鬆一下嘅」韻喬答返天殷。

「哈！我仲以為你真係一個鐵人黎嘅添！時時刻刻都掛住溫書，簡直係認真魔人黎嘅！」





「誇張啦你，李天殷！」不過。韻喬喺同天殷講完一大輪無聊嘢之後，天殷就突然之間提起尋日嘅事……

「喬喬呀，你呢，其實今日點呀，仲有冇事呀？」「嗯，點解咁問呀殷殷？」

喺韻喬對天殷揭露自己嘅底牌之前，先問下天殷咁樣問自己嘅來意「噢！因為軒仔其實今日下晝打過畀我，但係我就miss咗call」

「喺我打返畀軒仔嘅時候，佢就問我你今日點？」天殷繼續講

「我於是就話我今日都冇搵過你，所以唔知道你仲點諗。不過，俊軒佢依然都對尋晚嘅事，感到非常抱歉咁話，希望你可以原諒佢」

韻喬心裏面就覺得“你個死人頭，好歹你都仲記得要關心我，不過，我張韻喬點都要你受下教訓咖啦！”。

但同時天殷都繼續講「咁認真啦喬喬，已經經過一日一夜啦，咁你依家點呀？」

「如果我話過咗一日一夜，我冇嘢嘅話…..就奇啦！！」





韻喬突然自己施展自己嘅氣場，最後嘅三個字韻喬仲專登好大聲咁叫出黎，搞到天殷都即刻毛管棟

「喬……喬喬你…..做咩呀？你仲係好嬲呀？但明明軒仔已經……」

「係呀！我就係知道佢有同我道歉呀？咁又點呀？！」韻喬嘅氣場繼續爆發

「但係我點知佢係咪真心改過咖？我又點知個花心flirt女王，之後仲會唔會又搞類似嘅嘢咖？！」

面對韻喬就好似失控嘅火山咁，持續噴發自己嘅情緒，天殷都好無奈咁話「係……係……咁喬喬，你會想點樣做，去令到你覺得軒仔真係會真心改過先？」

「你依家嬲到爆炸嘅話，都可能冇用咖喎，你要唔要我幫你駁個電話去軒仔度……」

「唔使啦殷殷！只不過，我覺得，林俊軒呢個死仔包，點都要受下苦頭，佢先唔會敢對我亂黎，同埋會真心改過」





「咁你想點呀喬喬？」天殷帶住一股非常疑惑嘅語氣問韻喬。

韻喬於是就話「好簡單啫，就喺要喺學校裏面，受下小妹嘅報復，就已經可以啦！」

「等佢以後仲敢唔敢喺學校裏面，咁樣對我或者其他女同學啊啦！」「咁……咁你諗住點做呀喬喬？」

「冇咩嘅，咪就係喺學校整蠱下林俊軒，等佢出醜一下同笑下，至少都要話畀個死人頭知道，我唔係佢想象中咁好蝦！！」韻喬非常堅定咁同天殷講……

（Ch 9 嬲到爆炸嘅韻喬  ~ 完）

IG link https://instagram.com/bear_big_big_writer  

另外三平台總點擊數達到75000次，多謝大家支持，稍後時間將會安排加更