《愛在。貴族學園》: Ch 7 ~ 綁架 Part 7

Ch 7 ~ 綁架 Part 7（連載日期：2021/10/28）

聽到天殷咁樣講，韻喬都不得不認真考慮天殷嘅請求。

而天殷又一次施展早一排喺班房，求韻喬carry自己數學quiz嘅故技「我……我都係想你有多啲朋友，所以先邀請埋你參加。但係……但係小喬你居然……」

見到天殷咁嘅情況，而且眼角又開始濕濕地，於是韻喬都再一次敗喺好姐妹嘅眼淚之下「好啦好啦，我應承你同你一齊去啦，得未呀？」

「好嘢！多謝你吖喬喬」天殷非常興奮咁攬實韻喬，差少少就攬到韻喬抖唔到氣「喂呀殷殷呀，我想抖啖氣呀！」





「ok，咁一陣間你就要聽我話，同埋要跟住我喎，知道未呀？」天殷放開韻喬之後就吩咐韻喬「知道啦，大小姐！」

「By the way你啲嘢可以暫時擺住喺我間房先，因為一陣間你去完之後，你都會返黎一陣先走」同時間天殷一邊開始除衫一邊講。
 
「依家咁咖咩？真係冇哂你符呀！」韻喬反哂白眼睇住天殷「咁你都要還返套衫畀我咖嘛！唔通......你想着住套晚裝返去你屋企，然後畀你媽媽知道咩？雖然我唔介意你咁做嘅哈哈！」

「你又有你道理喎」韻喬尷尬一笑同天殷講。但喺一秒之後，韻喬塊面已經因為天殷而紅哂

「喂！李天殷，你做咩..做咩無啦啦…喺度除衫呀？」因為喺呢個時候，天殷身上只係剩低内衣褲。
 




不過，房内出現咗一個非常有趣嘅對比。相對於韻喬嘅怕醜，天殷居然冇絲毫嘅尷尬，而且好直接同韻喬講

「喬喬呀，因為我地一陣仲要化妝同埋試衫之類，但係我又怕會唔夠時間吖嘛，所以…..」

「所以咩呀？」韻喬好似頭已側隻貓咁問天殷。
 
「我地一陣間……要一齊沖涼呀。」天殷喺答韻喬嘅時候，已經用大毛巾包住自己入面全裸嘅少女身材。
 
「下！」韻喬聽到之後好大反應，而且塊面已經比一分鐘之前更加紅，於是又一次好尷尬咁講「但係…..我….未試過….同其他人一齊沖涼呀嘛，我…..有少少……怕醜…..而且好奇怪呀…」
 




「唉呀怕咩醜呀！大家都係女仔黎咋嘛，你有嘅我都有啦，唔怕啦！」天殷依然都好大方咁講。

但眼見離約定俊軒時間開始越來越少，所以天殷都要催促韻喬「爽快少少啦喬喬，我係怕一陣會唔夠時間，然後要臨急臨忙出去咋嘛」

「啦！搭喺我張床上面嗰條大毛巾，係畀你用嘅，小喬你除好衫就直接入黎啦！」講完之後天殷就自己一個先入去洗手間裏面調校水溫，當然天殷都好輕鬆咁喺度唱幾句歌。
 
於是，就喺天殷嘅催趕之下，韻喬都非常無奈，唯有慢慢除去身上嘅衫褲，然後包住條大毛巾，入去自己個同好姐妹沖涼。

之後大家都入咗去個浴缸度，而天殷都已經較好水，而且都放低咗條大毛巾，直接將全身正向韻喬展示「入黎啦，喬喬。你睇下啲水溫o唔ok先？」
 
「ok啦…唔該殷殷….」「客咩氣呀！大家話哂都係好姐妹吖嘛！啊！正！」於是韻喬就背對天殷，拉開自己身上嘅毛巾，再爬入去浴缸裏面。

不過，韻喬初時都仲係好怕醜，完全唔敢直視天殷。

相反，天殷就非常享受，仲大方到打開個身喺度浸，基本上任韻喬睇哂。





但係，喺平靜嘅環境之下，韻喬後來都放鬆咗，同天殷一樣非常享受一個可以寧靜心情嘅環境，所以韻喬就話......

「其實咁樣浸喺浴缸裏面，又真係好舒服呢！啊，我都好耐冇試過呢種感覺啦」

「我都覺得ok啦，而且我耐唔耐都要浸bath bomb咖，咁樣對皮膚好呀！而且可以放鬆心情，暫時忘記一下學校繁重嘅工作」天殷回答道。

不過，韻喬好快就搵到位攻擊天殷「係咩殷殷？我覺得平時你都好似好輕鬆喎，到真係有唔識嘅時候，咪又係搵我打救你呀嘛？唔係咩？」

天殷聽到韻喬咁講就嘟起自己個嘴「咁我冇你咁聰明呀嘛，天才喬！」

「明明就係你懶唔溫書！啱啦，睇黎你都要去下402吸收一下日月精華就差唔多！」韻喬反駁道

「你……！」天殷畀韻喬寸到一棟都冇。
 




過咗一陣，天殷同韻喬兩個坐埋喺隔離繼續傾計。可能佢地坦誠相見嘅關係，傾計嘅内容都轉向私密心事，而且都偶爾偷望對方雪白青春嘅少女身材......

（待續 ~）

另今日雙平台點擊數突破2萬人次，多謝大家支持，之後將會安排加更

IG link https://instagram.com/bear_big_big_writer