《愛在。貴族學園》: Ch 0 ~ 序章 Part 1

Ch 0  ~ 序章 Part 1（連載日期：2021/08/27）

（假使世界原來不像你預期
  仍懷着一顆謙卑  來面對不安的天氣
  風雨不會沒了期  終於會等到夢寐
  全城在變遷  不減你是你……）

今日係9月1日，一個風和日麗嘅開學日早上，男女主人嘅耳機裏面，響起一首佢地都好鍾意嘅一首飲歌，佢地聽到之後，就同對方相視微笑。

而唔使好耐，屬於佢地名下嘅呢部名貴，而且顯眼嘅黑色長型房車，徐徐開到一間喺南區嘅中學嘅門口。





「少爺，到啦，我地到你新學校啦！」司機喺校外將車停好之後先開口道。

「Daddy Mammy，呢度好大好靚呀！哥哥！過兩年係咪就到我同家姐黎讀呀？」一位着住小學校裙嘅五年級妹妹道，但哥哥好明顯仲未訓醒。

「下！咁快就到學校啦……hmm……好眼訓呀…….」呢個今年12歲、剛剛升上Form 1、名叫林希洛嘅小男生一邊打喊露一邊話。

「林希洛你個死仔包！咩叫咁快就到呀？！而且冇人叫你尋晚掛住打機打到咁夜唔訓教！明明之前已經同你講過中學近過小學！」媽媽於是借勢喺度轟炸希洛

「係係係！Mammy係我錯對唔住！我以後都唔會咁夜訓咖啦！」





「希洛，今日第一日喺度返學，黎到新學校你記得要乖乖地，畢竟我地屋企喺社會嘅地位都比較高，而且記得唔好用我地屋企嘅身份去壓人呀，始終你仲有兩個妹過兩年會入黎讀咖。你如果喺度唔乖嘅話，會影響到兩個妹咖，知道未？」爸爸喺車裏面同希洛講。

「仲有，千祈千祈要管好你嘅脾氣，唔好好似你媽咪以前咁對男同學嘅態度，或者媽咪依家對我嘅態度咁對女同學，be gentlemen呀，知道未呀？」爸爸講完呢句之後，身旁嘅媽媽塊面就更加紅，係嬲到紅。

「作死你呀衰人！一早就咁樣喺仔女面前咁話我！？哼！今晚你就知味道！返到屋企我先同你慢慢計！仲要由以前計到依家呀！」媽媽聽到之後隨即就捉住爸爸耳仔大叫。

「喂！林太你可唔可以唔好咁暴力，教壞啲仔女呀？都已經過咗咁多年啦，你都仲係咁都有嘅？」爸爸嘗試求饒，而幾個仔女都睇得好開心「哈哈哈……」

「唔得，因為你夠膽喺佢地面前數臭我，我梗係唔會放過你啦！」媽媽依然好強勢咁講。





「放心啦，我知要點做咖啦Daddy Mammy，我都大個咖啦，唔會蝦其他同學，一定會乖乖地。始終，呢度都係daddy mammy認識嘅地方，我都好開心可以喺度，做你地呢對超級連體嬰嘅師弟。」希洛應承咗爸爸媽媽

「好啦Daddy Mammy、思韻、思喬，我落車啦！司機哥哥一陣你1點鐘返黎學校接我放學呀！唔該！」

「拜拜哥哥！」希洛嘅兩個妹林思韻、林思喬異口同聲道。

「知道啦，少爺！一陣放學見」司機之後落車幫希洛開門，而媽媽都有落車，帶住希洛行去校門。

去到校門嘅時候「早晨呀，小喬、林希洛同學！」迎接兩母子嘅，係媽媽嘅一位舊同學，兼學校老師Ms Fong。

（待續~）

IG link https://instagram.com/bear_big_big_writer