《妖具》-我無啦啦做左個道士，仲要係全香港最大粒果個 ! ?: 《鎖羅盆村4》

「大家好，我係男上加男。」

「我係單拳超人…」

「我係星哈利路亞，各位放心我一定會保護好Aoio!」

（留言區）

「單拳超人睇落超勁！」
「單拳真係獨臂，係咪收埋左隻手。」




「男上加男勁大隻<3己經想再加上去。」
「西裝毒撚咁細粒仲想保護好Aoio?」
「我只信單拳，睇佢平時留言應該識啲野！」
「西裝佬好似仲要係耶撚，一陣會唔會嚇到賴尿。真人版星君鼠（偷笑～」
「男上加男：恐懼來自於武力不足！」

「多謝你，星哈利路亞。不過為左咁多位嘅安全，我地有請張天師。」Aoio鼓掌邀請張天師走到鏡頭的中間。

「大家好～我係呀俊，呢位係我師父張天師。」呀後對鏡頭十分活躍，但張天師卻十分冷淡。





單拳超人與星哈利路亞才注意到張天師。

「你好！我係教會的神父崎駿，我地有冇係靈異協會見過？」不知是不是平日的職業病，崎駿像是忘記了鏡頭的存在一樣。

（留言區）

「自爆？」
「都話係耶撚嫁啦！」
「張天師睇落好有料…」
「靈異協會？」




「師父vs神父係咪一陣要打？」
「神父係咪要唱教會歌驅鬼（偷笑）」

「星哈利路亞，我地仲直播緊嫁！唔好自爆好唔好呀！各位啱啱大家咩都聽唔到！忘記忘記～大家依加應該要咩都唔記得！」Aoio一臉委屈地向著鏡頭施法。