《妖具》-我無啦啦做左個道士，仲要係全香港最大粒果個 ! ?: 《鎖羅盆村3》

「各位為左咁多位嘅安全，同你地介紹番呢位係張天師同佢嘅徒弟。」Aoio我經理人向眾人介紹張天師兩人。

「今日全程都會同我地一齊同行。」

「嗱～呢個就係護身符，你地一人一個。」

「$1500一個～（呀俊在經理人的耳邊偷偷地說）」

呀俊便停在經理人的身邊，等經理人示意才打算發下去。





「搶錢呀你！（經理人咬牙切齒地在呀俊的耳邊說著）」

「咁你比唔比吖？」經理人現在騎虎難下，畢竟呀俊剛剛已經大聲說了一人一個要是不給他們會破壞形象「比…」

「不過等直播開始左先派。」

「直播已經準備好啦～咁多位準備好未？」Aoio 已經設定好全部的東西，經理人便跑到Aoio身前拿起攝影機和設備。

「咁開始啦～3～2～1～開始！」





「welcome youtoo,welcome you ~我係大家嘅嗷嗚～嗷嗚～Aoio～」

「初見～初見～咁多位大家好～大家睇到我地今日嘅標題已經知道今日要去邊啦～」

「冇錯啦～就係頂頂大名…一夜消失的鎖羅盆村。」Aoio裝作恐怖的聲音。

「Aoio真係好驚驚呀～不過好彩今日請到幾位朋友仔同我地一齊探靈。有請佢地介紹一下自己先。」