《妖具》-我無啦啦做左個道士，仲要係全香港最大粒果個 ! ?: 《達德小學4》

來到達德小學門口便有一個十分顯眼的標誌。

大家都心領神會地警戒起來。

當我們慢慢走進大門之內，一個大屏幕緩緩降下。

「哈囉～又係我！19號～」

「hi~米露、小藍、保羅、陳行聰！同我預計嘅差唔多。」





19號身處的背景正正是達德小學內的場景。

「唔好比機會其他人阻住我地…陣起！」門口突然冒出四道藍符。

四道藍符同時發出光芒，一粒巨型的五芒星出現在空中。

保羅立即按了按手機，果然什麼訊號都沒有，保羅明白準備好的後手應該也沒法到場。

「遊戲正式開始！」19號站了起來，畫面上亦出現了遊戲開始的字樣。





「大家先睇下呢張地圖先～」畫面上手現了一張手繪的地圖，勉強可以看到是達德的平面圖。

「我都係第一次睇～」19號出現在畫面的左上角，他也手執一份地圖。

「嗱～地圖上嘅紅色星星就係目的地，只要你地四個其中一個到達就遊戲結束。」

「而遊戲嘅規則就係冇任何規則，同時我都準備左驚喜比你地～玩得開心啲啦～一陣見88～」畫面變成了黑色，螢幕亦慢慢地升起。

「驚喜？」話口未完，我回頭看去其餘三人已消失不見。





「小藍！」任由我大聲呼喊也沒有任何回應，仿佛這裡就只有我一個人一樣。