《妖具》-我無啦啦做左個道士，仲要係全香港最大粒果個 ! ?: 《達德小學3》

「呀～呀～呀～係…我要指定一個人，陳行聰佢一定要到。唔係呢個遊戲就唔好玩嫁啦～」

「地址就係卡嘅背後，你地唔好要我地等咁耐喔。」19號對著鏡頭來了個飛吻，影片便到此為止。

「大家明白發生左咩事啦。」保羅把卡的影印本分發比眾人。

「大家稍作收拾就出發啦。」保羅按下了桌下的一個按鈕，周圍的牆壁同時轉動。

琳瑯滿目的法器頓時出現在眼前，小藍他們好像早已習以為常，便開始揀一些啱用的法器。





我也立即揀那樣東西適用，但看到標價後便立即放下。

保羅慢慢走近我，「陳行聰…點解佢要指定你？」保羅在我耳邊輕聲細語地說。

「我點知…」

「唔通你係內鬼？」保羅打斷了我的說話，表情變得嚴肅。

「哈哈～講笑炸，佢哋點會搵一個練氣境做內鬼。」保羅的表情180度轉變，這我才鬆了一口氣。





「今次應該會好危險，你自己要小心啲。」保羅拍了一拍我的背脊，趁機在我背上留下了一樣東西。

「大家都準備好啦，咁出發。」保羅看到大家都拿得七七八八便把那法器室關掉。

「我地依加就去達德小學…」