《妖具》-我無啦啦做左個道士，仲要係全香港最大粒果個 ! ?: 《香港仔聖伯多祿中學40》

「陳道長控制靈力方面貧僧都自愧不如﹐貧僧一路都認為十道欠左你一席位﹐三年前你就應該係十道之一。」長空大師突然轉身向我道歉。

  我聽得一頭霧水﹐只能再次以笑蒙混過關。

  就在短短幾句話的時間﹐比得居然在「小山丘」上準備好了一個擂台。

  「叮 ! 叮 ! 叮 !邊個打算第一個挑戰先呢? 希望你地可以直接派出最強啲個﹐未夠資格就唔好上擂台啦。」比得一臉的自信﹐絲毫沒有畏懼﹐總感覺藏著什麼秘密。

  「貧僧寶蓮寺住持無悟﹐未知夠唔夠資格。」





  「Yes 一黎就打BOSS正。」比得異常的興奮

  「擂台上唯一的規則就係打到死為止或者令對方投降﹐認輸就自斷一臂。就係咁簡單﹐明唔明白 ? 」無悟點了點頭。

  「放心~台下嘅觀眾唔洗怕悶﹐你地都有野玩﹐可以賭我地邊個會贏。」

  「不過賭注唔係錢...而係你地嘅身體。哈哈~ ! 」

  「今次就賭左腳。哈哈~你地左手邊﹐地下紅色就係賭我﹐藍色就係賭住持快啲揀啦。」比得露出的笑容﹐令人不寒而慄。





  我們也慢慢走到藍色的空格﹐在此情況也只能相信無悟。

「咁開始啦。」無悟準備走向擂台﹐但此時比得立刻阻止無悟。

「stop ! stop ! 上黎之前要先發誓。」

  「以吾之名﹐對天起誓。」無悟咬破食指﹐把一滴血滴在地上。

  「可以開始未?」無悟語氣有一點點不耐煩。





  「可以可以 ! 請進。哈哈哈~人類的貪婪同主人講嘅一樣﹐無論邊個都抗拒唔到。」比得非常興奮﹐連表情近乎病態﹐就像高潮一般。

 「發誓有咩用 ? 我地反口上去圍毆佢都得啦。」阿泳直接點出重點。

  「發誓對普通人黎講就冇太大作用﹐但我地修煉嘅就係天道﹐對天起誓係唔能夠輕易違背。輕者內臟受損修為喪失可致身殘，重者天罰降臨灰飛煙滅。所以我地上去幫手反而會害左無悟。」長空大師向阿泳解釋。