《妖具》-我無啦啦做左個道士，仲要係全香港最大粒果個 ! ?: 《香港仔聖伯多祿中學39》

「係咪好吸引呢?贏咗所有都係你地嘅。」比得很快便把寶藏箱關上﹐笑容十分奸狡﹐感覺上對這場遊戲十拿九穩。

  「到底我地玩咩遊戲呢。」比得走到黑板的對面﹐從背後拿出一塊布和一支飛標﹐把布蒙眼。

  「啾」的一聲飛標直接飛到黑板上。

  「OH ! 居然中左呢個。」比得掀起蒙眼的布﹐看了一看黑版。

  在這時我們才發現黑版上寫滿了密密麻麻的字﹐但又有一格格分開了不同的項目。





  「單人擂台戰...次次都中佢﹐我最憎玩呢個﹐明明上面仲有咁多隻好玩嘅GAME。」

  「你地邊個想玩先﹐簡單講就係冇規則單挑﹐講明先其他人唔準插手。」比得有少許的不耐煩。

  「貧僧絕對唔會插手。」長空大師對無悟有十分大的信心。

  「無悟記得手下留情控制一下力度﹐唔好一擊秒殺﹐貧僧有些少問題想問佢。」

  「天地無極﹐乾坤借法。爆炸符﹐急急如律令！」我把一張道符丟出。





  不知為何我內心突然有一個想法﹐想要先偷襲比得﹐幫無悟爭取更多的勝算。

  但道符的威力完全不似預期﹐本以為會像剛剛一樣﹐最少能把他一隻手臂炸掉。

  但飛到比得的手時﹐道符只有一點點的小火花﹐比得完全沒有受到丁點傷害﹐只是幫他抓癢而已。

  「遊戲開始之後再咁玩﹐我就森七七囉。」比得瞪了我一眼。

  「哈哈哈~陳道長果然厲害。」長空大師笑了﹐但我完全不知那是真的稱讚還是在恥笑我。





  「無悟。陳道長係度示範緊點控制靈力﹐以後要多啲向陳道長學習。」

  「係嘅師兄。」