《妖具》-我無啦啦做左個道士，仲要係全香港最大粒果個 ! ?: 《香港仔聖伯多祿中學3》

「呀行~我地會唔會...番..唔..到屋...屋企嫁。」阿泳邊哭邊捉著我的手。

  「唔會嫁~傻妹黎嘅﹐我地一定出到去嫁。有咩事我會保護你嫁嘛。」我只可以學大人的語氣安慰阿泳。其實我也接近崩潰的邊緣﹐對於一個五歲的小朋友要面對這樣的情況﹐又怎可能完全不害怕。

  但時間一分一秒的過去﹐這麼黑暗的環境下﹐要成功離開近乎不可能。

  「呀行...我地係..係咪走...走唔到啦...」阿泳邊哭邊說。

  「唔會 ! 嗱~你跟我做。」我依口袋中拿出食剩的M&M巧克力。





  「陳行聰...你唔驚唔驚﹐朱古力會賜你力量。」我當時除了想安撫一下阿泳以外﹐我也想安撫一下我自己。我也不知道我地能不能走出森林﹐我的雙腿亦不斷地顫抖。但現時的阿泳只可以依賴我﹐如果我也表現出十分害怕。我相信我們兩人都沒辦法逃出這片森林。

  「食完朱古力﹐朱古力就會比好大好大嘅勇氣你。」

  「好大...好大...的勇氣...?」阿泳的哭泣聲開始減少。

  「鄺嘉泳..你唔驚唔驚﹐朱古力會賜你力量。」「鄺嘉泳..你唔驚....唔驚....﹐朱古力會賜你力量。」我與他一起食下巧克力一起說。

  「食完朱古力就唔會驚嫁啦~」我把手放到阿泳嘅頭上。





  阿泳的哭泣聲不再。

  「鄺嘉泳..你唔驚唔驚。」阿泳他強忍著淚水﹐眼淚不停在眼眶裏打轉。

  過了一會兒有很多人在附近大叫我們的名字﹐在那時我才敢哭出來。我兩當時成功獲救﹐聽說是靠一位幫人問米的婆婆才知道我們失蹤的地方。

  但之後我愈長大便變得愈膽小﹐什麼都要害怕。反而阿泳就不再是以前的「喊包」﹐人愈大就變得愈大膽。慢慢我不再是保護人的一方﹐而反過來阿泳開始保護我。

  「繼續行…黎都黎到邊有番去嘅道理。」呀泳食完巧克力後勇敢了不少﹐雖然腳依舊不斷抖動﹐但依然一步一步向上行。





  「鄺嘉泳~你個傻妹。有咩事我會保護你嫁嘛。」我走到阿泳的前方。

  沒想到此時阿泳的眼中竟然有眼淚流出﹐但那不是因恐懼而流出的眼淚。我用手輕輕地幫阿泳抺去眼淚。

  「我..我冇事。」阿泳的睙水止住了﹐臉上反而出現了一個幸福的笑容。

  阿泳一下子拖緊我伸出的那隻手﹐此刻我兩好像回到小時候。我仿佛成為了那可靠的大哥哥﹐而阿泳又變回以前那個「喊包」。