[愛情] [校園] [足球] 我鐘意左個第一句就講粗口嘅女仔: 33.

我慢慢一步一步咁行去班房最後啊行嘅位置，佢好似同緊佢女神傾緊計，見到佢笑得咁開心我都唔係好敢行埋去同個講啲影響氣氛嘅野。

我向後望一望曉瑩，佢都一直觀望緊我嘅動作，曉瑩見我遲遲都唔肯行上去，突然指住啊行然後用唇語同我講 「去啦快啲！」

呢個時候我都鼓起左勇氣行左上啊行同女神嘅隔離，「哈囉，介唔介意比我同啊行講幾句啊？好快㗎咋」

女神都好快就點頭示好，坐番自己個位。「點啊，今次又想嘈啲咩啊」啊行突然語氣變左好多，同岩岩女神講野一百八十度調轉。

「我唔係過黎嘈，我係黎同你道歉嘅，我知我之前隱瞞左我嘅傷勢，死要踢仲要鬧你，好對唔住」我同啊行道歉





「我知道你係為左我唔好係學界到表現得唔好，所以先會發咁大脾氣」我繼續講

啊行見到我咁樣道歉有啲愕然，「唉算啦，學界仲有兩個月，你覺得你復唔復原到」佢問

「你放心，一個月內應該就好得番哂，我放學會同林sir請假，唔洗擔心我」我回覆

啊行突然揸緊拳頭，一拳打左落我胸口到，然後大叫「OK，無數啦兄弟，下次咪再咁，真係打死你」

我即刻打番啊行「無下次啦，仲有下次我就真係比你肉生生打死」





呢一下好大力，不過我都認我係抵打，依家啊行原諒左我，呢拳都食得值。

＂叮噹叮噹＂校鐘亦都係呢個時候響起，我都好快坐番埋位

仆街！我啲功課未撚抄哂！！睇黎都係走唔甩今晚嘅功課班，學校制度真係好撚白痴

死氣沉沉咁坐番埋位，睇黎今晚又要係學校過。

曉瑩見我坐番黎好似好頹咁，問「點啊？係咪唔得啊，佢仲嬲？」





「唔係啊，佢原諒左我啦，仲比佢打左下添！」我講

「咁點解你個樣咁鬼頹嘅，明明都好番啦同兄弟，你愁眉苦臉做咩」曉瑩問

我指住枱面啲功課講「我未抄哂啲功課啊啊啊，今晚又要留堂啦」

「哈哈哈，係咁㗎啦有陣時就係搞掂左一邊搞唔掂第二邊㗎啦，有取有捨，不過你都無得練波啦，咪留係到當陪下啲老師囉」曉瑩笑住講

「我唔想陪啲老師喎，啲老師都唔想陪我啦係咪先」我死氣沉沉地講

曉瑩聽到之後突然問「咁你想陪邊個啊～～」我諗左一陣，然後答「想陪你囉！定係不如你唔好交一份功課之後調番轉陪我啊～」我眼神周圍望緊，就係唔敢同佢對望，直到最後一刻

佢諗左一陣，「好啊！」我面紅紅，瞳孔放大望住佢，有啲不可意義嘅感覺。唔通佢真係諗住陪我？

「講笑咋！邊有人咁鬼蠢會唔交做左嘅功課㗎」曉瑩講完之後打左下我個頭然後行走去上堂，呢一錘亦帶番我去現實





夢裡什麼都有，都係咁好亂諗咁多好。不過就係咁，因為有曉瑩嘅幫助，我同啊行嘅爭吵解決左，但同時我都要為番我嘅行為負責任，今日放學要同林sir講請假一個月，睇黎今晚先係真正嘅暴風雨

好快今日嘅堂都上哂，放學嘅時候，我約左啊婆一齊落去操場集合嘅地方同林sir請假。由於我地足球係會出車去其他球場練波，佢地集合哂人就會直接離開，所以時間都非常之有限。

我同啊婆係行緊落去嘅時候都苦惱緊點講，「死啦我地會唔會比人退撚埋隊㗎？」啊婆行緊樓梯嘅時候突然問

「我估又唔會嘅，我地都可以係學界前復出，我估最大鑊都係做後備嘅姐」我答佢

行行下，我地已經落到去見到林sir係遠處，佢亦都認到我地，啊行同啊羊一早就落左去，所以都在場。

我地行埋去，林sir已經皺緊眉頭。我先開口講「林sir我前幾日踩單車嘅時候炒左車，然後仲係班際足球比賽到拉親，應該要一個月先可以完全好番」

「我係班際嘅時候比啊行鏟傷左，骨折左隻手，我可能要個半月。」啊婆跟住我講





我同啊婆都低頭講野，唔敢望住林sir，林sir無講野，淨係係到寫緊野落張紙到。過左三十秒左右，「拎去，下個禮拜要過黎聽戰術，即使你傷左都好，都要出席訓練」林sir講

「知道！」「我地一定會好快好番」我同啊婆異口同聲咁講

「好啦，我地出車啦，你地早日康復啦」林sir講，呢個時候我地都未睇張紙嘅內容

直到車開出嘅時候我先同啊婆一齊睇紙入面嘅內容

＂個半月後未好番就坐板＂

文字冷冰冰，雖然岩岩林sir講野好似好溫柔咁，但睇得出佢呢一段字係認真嘅。啊婆見到段字都有啲驚青嘅樣，「仆街真係比你講中左」佢講

「係囉，但係我地都應該都復原到啦，唔好搞咁多野嘅話」我答

「係囉，定係我地唔再踢班際好啲啊」啊婆問我





我搭左搭佢，然後講「好似我夠時間復出，但你呢...就唔知啦」

「唉....波就贏左，輸左隻手同個冠軍，好撚慘」啊婆好失望咁講

「下年啦，明年再戰好似阿仙奴咁Next year is our year啦哈哈」我笑佢 

講完之後，我都要上番去做埋啲功課，先再走得，啊婆就番左屋企。