我次次拍拖都拍唔長，因為我……: 阿希篇
係聰哥手上接過玉嘅掛飾後我問「聰哥啊，想問下你...識唔識一個人叫陳振聰？」
聰哥突然收起笑容，黑晒面咁怒睥住我，佢話「做咩咁問？」心諗
唔通問錯問題，點解會黑面到咁，但我都開咗個頭只好問埋落去
我話「咁嘅...我見你哋茅山都有好多門派，上網睇話唔同派都有自己專屬嘅符咒，我朋友話之前見過你呢種符，佢以前屋企都有畀鬼搞，請過師傅上門，都係貼咗一樣嘅符，佢話有啲事想搵番之前個師傅...」屌
佢個樣真係好凶啊，我一邊講大話一邊都唔敢望住佢，覺得好怯聰哥用住質疑嘅目光望住我，諗咗陣話「佢死咗喇！」
我話「吓，真㗎，佢點死㗎
」佢好唔耐煩咁講「問咁撚多嘢做咩，點解係要咁多事，你個死𡃁仔真係好煩啊」事到如今，得佢先知道陳振聰下落，我都冇辦法硬住頭皮問「求你話畀我知關於佢嘅嘢喇
我朋友真係好想搵番佢，有啲好重要嘅嘢要搵佢」聰哥突然大聲講「聽住啊，佢已經死撚咗喇！你咁想搵佢就落去搵佢喇，承為二千蚊，畀完錢好快啲同我躝」
唔得，我唔可以怯，怯我就輸一世
就算佢殺人咁款我都一定要問到個真相，我話「我唔會畀錢㗎
你唔講畀我聽佢點死，我係唔會畀錢同走，總之生要見人死要見屍」我決定用呢個無賴戰法同佢鬥長命佢話「啊，你份人真係好撚無賴㗎喎⋯⋯」過咗幾分鐘，佢見我成磚佛咁坐係到，之後態度都開始軟化，佢嬲爆爆咁指住枱頭個大葫蘆話「你想見佢啊ma,佢係到啊」
我話「佢係到？咩意思
」我聽完之後大惑不解，聰哥攞起枱頭其中一個大葫蘆，對住我講「佢死咗之後我收咗佢入個葫蘆到」我話「吓，點解你要咁做？
」佢話「報復囉，佢呢條仆街都害得我甘，我唔咁做都難泄心頭之恨」睇到佢詭異嘅笑容，簡直令我毛骨悚然，我開始有啲淆底...本身諗緊佢係咪講大話，想嚇我，趕我走，但睇到佢個表情十足十啲變態殺人犯咁，一邊同我傾偈一邊摸住佢個葫蘆，好似向我展示佢嘅完美藝術品咁
我膽戰心驚咁講「係你殺咗陳振聰再肢解佢擺入啲葫蘆入面？」佢咧嘴大笑話「你係咪睇得太多恐怖片啊，點肢解佢藏屍係葫蘆到啊，我呢個葫蘆係法器嚟，用嚟捉鬼，啲鬼魂會困住係個葫蘆入面....」
屌，好心講清楚啲喇
嚇撚死人咩，我以為佢好似灶頭藏屍咁分屍，但有咩咁深仇大恨，死咗都要唔放過佢，正當我想問佢果陣，佢接住講落去「佢條仆街當年溝咗個富婆，想呃人副身家，真係大想頭....結果富婆嘅屋企人睇唔過眼，搵黑社會去嚇佢叫佢收手，但條仆街死都要痴住個富婆。有次搞到好大件事，有班黑社會嚟到仙館尋仇，果日班人問邊個係阿聰，年少無知嘅我果陣都未清楚發生咩事，仲傻傻下同班人講我係阿聰啊，結果就畀人點錯相打咗一身，仲要打跛咗我隻腳，佢條仆街當時就唔係仙館，逃過一刧，但我就因為咁而受害」唔怪得聰哥隻腳跛跛下要用柺杖，原來係畀人害，呢個陳振聰真係仆街嚟
不過無諗過聰哥突然咁順攤，向我講晒成件事嘅來龍去脈