我次次拍拖都拍唔長，因為我……: 大叔篇
話說阿希搭佢老豆幫我r咗份工，我諗有熟人介紹，只要唔係面試面得咁衰應該都請嘅，雖然係咁講但我今日都準備充足，蓄勢待發，我晨早就起咗身剃鬚，話說唔剃幾日啲鬚都生到亞馬遜森林咁
成個露宿者咁款講起見工，以前有陰陽眼果時我會上去人地公司睇下個環境點，有次見間美資公司，規模都唔細，位於上環某新建嘅商業大廈，原本以為係正嘢，點知一上去就feel到勁陰，成層都係朋友仔，開p咁嘅款
一諗到日後係到做嘢會被鬼包圍就唔開胃，亦因為係呢個原因，我面試刻意見衰啲搏佢唔請不過宜家我都冇咗陰陽眼，都唔洗再怕呢樣嘢，或者我以後咁樣做嘢會輕鬆啲，今日見工約左兩點半，我兩點鐘都已經上咗去公司，見我嘅係一個中年嘅阿叔，有啲地中海，比起以前個濕鳩女上司嚟講，睇落都係個正常人，佢話如果見得成未來做嘢應該會跟佢，同佢傾偈果陣都言談甚歡，我諗今次見得成嘅機會都大，臨尾佢仲話，好快會通知見唔見得成，你預聽日或後日通知吧，以我見工無數經驗嚟睇，我諗呢鋪都坐定粒六
好大機會見得成