性交轉運打喪屍: （152）

夢中雖有女相伴，反過嚟喺現實世界，我接近三十中就仍未成家立室。

之前我追求過Isabel同埋嗰兩姊妹，我以為大家話曬都打過喪屍，算係共過患難，以為見過真情，就會容易啲入手，結果係佢地一個二個都唔so我，甚至有啲睇唔起我。

至於楊過就好好人，一直都有介紹過女仔俾我識，我都有同當中一兩個女仔拍過下拖。

可惜，大家相處過幾個月，上過幾次床，始終發覺唔夾，最後就係無疾而終。

每次同人上床，我都攬住道轉運符，一直以嚟都好想嚟一次性交轉運，等自己中頭獎發大達。



只但係，咁多年過去，道符都發揮過任何作用，無一次成功轉到運，後尾只係戴慣左先至繼續戴。

我嘅運氣一路都得唔到改善，呢一日，又試行衰運俾人打左個荷包，仲係趕住返工先嚟唔見荷包，搞到無錢搭車，焗住要問路人借錢。

「先生，我銀包俾人偷左，家下無錢搭車，你可唔可以借…」

「唔可以！」眼前個男人十分粗魯，唔借錢都算，仲推我落地下。

「唔借咪唔借，洗唔洗郁手郁腳！」



「點呀？條氣係咪唔gur？隻抽啦！」個男人係威係勢，點知有個電話打嚟，一接聽就變到死狗咁：「唔好意思，我仲等緊車未返到…下咩話…老細嗰邊幫個孫開party買漏嘢…好好好無問題…我即刻mark低陣間去買…」

我再無理條友，繼續問人借錢，殊不知一轉身，無留意到後面有人，唔小心撞埋去。

「對唔住，對唔住！」我擰準頭對嗰個人不停耍冧。

「唔緊要。」

我呆呆咁望住對方，發現呢個女仔一個自己好熟悉、好熟悉嘅人。



「係啦，你係咪要借錢搭車？二十蚊，夠唔夠呀？」佢從銀包拎出一張二十蚊紙。

我無出聲，一路凝望著對方，心跳加速不止：「你…你…」

「嗯？做咩呀？係咪我塊面有嘢？」

「你…你係Kappa？」

「咦？點解你知我個名嘅？乜我地之前有見過咩？」

我點點頭，微微一笑：「係呀，仲見過好多次添。」







（全文完）



故事完結，多謝閱讀和支持！