性交轉運打喪屍: （128）（有甜出沒注意！）

「砰砰！砰！」

樓上接住傳出震耳嘅破門聲，當堂令到我地成個人醒曬。

「弊啦，嗰班裝甲人好似又刮緊我地？」

「冷靜啲冷靜啲，聽聲佢地應該喺樓上，我地要走嘅話應該嚟得切。」Sandy對Shirley講。

「我怕對方派人守住大廈門口，就算走落到樓下都未必出到去。」



Sandy眉頭一皺，問我：「我地匿喺度唔係辦法，班友遲早揾到嚟，你話應該點算好？」

如果我地敵人係喪屍，或者我會提議大家擸架撐，出去博一博。

無奈依家所面對嘅係一班著住厚厚嘅保護衣，手上揸住致命武器嘅敵人，實力相差咁大，根本打唔過。

「點呀，講句嘢啦？」Sandy追問。

實力唔夠，睇嚟唯有依靠運氣。



我深呼吸一口氣，攞出嗰道轉運符：「運氣或者可以幫到我地。」

「運氣？咩意思？」Shirley問。

「我心口一直掛住呢道性交轉運符，一直都為我帶嚟好強大嘅運氣，而我憑住呢啲運氣，逃過好多劫，亦令我好符碌擊敗過唔少喪屍。」

「咩性交轉運，呢個時候就唔好，講埋曬啲九唔搭八嘅嘢。」Sandy話我。

「我想表達嘅係，如果有左超強嘅運氣加持，話唔定就能夠對付嗰班裝甲人，就算殺唔死佢地，至少都可以報住條命，問題就係，要轉運嘅話，咁我地就要做愛。」



「咪玩啦，依家唔係講笑嘅時候。」Shirley對我講。

「我知一時三刻好難你地好難相信，不過Shirley你試下諗返起，當其時我玩親大富翁都贏你，唔係因為我技術好了得，單純只係因為我夠好運，次次都擲到靚骰。」

我吞啖口水繼續講，「仲有，Sandy，你記唔記得你幫條貞操帶，set左水蛇春咁長嘅密碼，但俾我一下就解得開，仲要試左好多次都係咁，原因就係我夠好運，亂咁撞都撞得啱。至於呢一切嘅好運，都係呢道性交轉運符所帶俾我。」

二人聽完都無出聲，好似唔知俾埋反應好，於是我繼續講：「我明白喺呢個時候，講呢啲咁嘅嘢的確係好突兀，只不過呢個亦係我唯一諗到，可以對付嗰班裝甲人嘅方法。」

Sandy諗左一陣問我：「話曬對方揸住咁犀利嘅武器，就算你再有運都好，乜真係可以好運到對抗到班裝甲人？」

「係，我好肯定運氣一定會幫我地脫險！」我語氣十分肯定。因為過往嘅經驗令我相信，運氣一定會幫我地度過難關。

「砰！」

突然間，樓上又傳嚟一下撞門嘅聲音。



睇嚟Alpha佢地掃緊樓，逐個逐個單位咁搜索，誓要摷我地出嚟。

「唔好匿埋啦，你地走唔甩架！快快趣出嚟受死啦！」今次仲聽到Alpha喺度叫嚷。

「唔好再考慮啦，再遲就嚟唔切架啦。」我等唔切，好心急就除左條褲。

呢一次我唔係因為鳩痕想扑嘢，而真係為左補充自己嘅運氣。

「喂喂喂咪住先，我同阿妹要再諗一諗。」Sandy拉Shirley到一邊，細細聲商量。

「如果你地唔信我，或者唔想同我做，咁就算啦，我地可以再諗過其他辦法。」我休返起條褲。

「算！蝕底就蝕底就一次，嚟就嚟啦！」Sandy講完之後，擰轉面除左條面褲，露出黑色花紋底褲。



「趁班人未揾到嚟，我地要快啲搞掂。」旁邊嘅Shirley就剝左面衫，豐滿嘅胸部隨即呈現眼前。

本來我只係諗住佢地是但其中一個同我搞，整整下居然變左起雙飛？

「點呀你？仲唔剝衫？」好快Sandy身上只係剝剩個bra。

換轉平時嘅我，見到有兩個咁正嘅女人喺我面前除衫，肯定忍唔住擒左上去，但唔知點解呢刻我無呢種衝動，而且內心硬係有啲唔自在。

一嚟有種罪疚感，感覺有啲對唔住Kappa，二嚟咁嘅情況之下做愛，似係做任務，難以令人興奮，再加上裝甲人隨時殺到，危機隨時會降臨，好難去投入。

「係咪要轉運架？係就嚟啦！」Shirley已經剝光豬，波大籮大嘅S字形表露無遺。

「等陣！」

遠處有張餐檯，放左半樽白酒，我將啲酒倒落三個酒杯，俾大家分嚟飲。



酒能亂性，酒精麻醉我呢刻嘅思緒，令我放開懷抱去性交轉運。