性交轉運打喪屍: （116）

楊過有多件衫，俾我去更換。

雖然唔太啱size，但總好過光脫脫無得著。

另一邊廂，Kappa望住部notebook，請教Sandy同Shirley：「呢部係咪電腦？」

「係呀，手提電腦，乜你無見過？」Sandy問。

「見過，但未用過。」Kappa小心翼翼咁㩒下鍵盤上嘅掣，「請問依家上面顯示嗰啲，係咪解藥嘅資料？」



「嗯，你睇到入曬神咁，係咪睇得明？」Shirley問。

Kappa搖搖頭：「睇唔明。」

然後Sandy打量一眼Kappa全身，就問：「你啲皮膚好白淨，平時用開咩護膚品？」

「護膚品？係咩嚟架？」Kappa一臉不解。

「喂呀，咪咁啦，教下我地你平時啲護膚心得啦。」



「我估你肯定好少曬太陽，無理由白得咁均勻…」

Sandy同Shirley喺Kappa耳邊，左一言右一句，Kappa好似卻一句都聽唔明。

所以我都係嗰句說話，條友一定唔係同我地同一個次元嘅人。

過左一陣，楊過叫我過去幫發電機換電。

發電機需要靠汽車電池維持供電，工廈單位長期都不見天日，無電嘅話，周圍就會黑麻麻，乜都睇唔到。



換完電，我同楊過又揾掃把同拖把，清潔地下嘅啤酒空罐同嗰啲嘔吐物。

「老婆！」突然之間，阿得扎醒大嗌，嚇親我地其他人。

「乜你咁快酒醒啦？」楊過拎住樽裝水行過去，「嚟啦，飲啖水先。」

「頭先唔知發夢…定係飲大左出現幻覺…我…好似…好似見到我老婆…」

阿得掩住個頭，努力回想：「可惜…可惜我睇唔清佢個樣…淨係見到佢粒lin…佢仲同我講左啲嘢…」

「咁你記唔記得佢同你講左啲咩？」楊過問。

「佢叫照住usb嘅資料整解藥，話好相信我嘅能力，仲叫我應承佢一定要整到出嚟。」

「一定係你老婆，在天之靈報夢俾你，話曬你咁愛你老婆，無理由應承左佢嘅嘢唔做架？」機警嘅Sandy立即「煽風點火」。



「係囉，你反口嘅話，你老婆可能以後都唔報夢揾你架啦。」楊過就嚟招「危言聳聽」。

結果，呢兩招都好使得，阿得真係信左。

飲啖水，阿得就馬上拎住部notebook，對住嗰條配方，著手去整。

我地幾個就從旁協助，要咩化學原料要咩工具，我地都一一揾俾佢。

慶幸嘅係，就如阿得之前所講，倉庫裡大致都有齊所需嘅嘢。

而當阿得遇到少少阻滯，又想放pea嘅時候，我地就隊佢飲酒。

等佢醉左，楊過就會叫我剝衫，同埋扮佢老婆鼓勵阿得。



留意到楊過望住阿得啜我粒lin，雙眼發光咁滯，我懷疑佢暗啞底好享受呢個畫面。