性交轉運打喪屍: （113）

眼前，目測有八九條友喺度互抽，楊過勸極佢地都係唔肯停。

除此之外，仲有一個年約五、六歲嘅細路，坐喺路邊大喊。

「屌你老母！呢箱水係我揾到先架！你班仆街咪撚爭！」

「你估家下玩緊爭櫈仔先到先得呀？邊個搶到就邊個架啦！」

「咪就係！邊個搶到就歸邊個！」



三個男人為左爭箱樽裝水，分別揸住錘仔、鐵通互毆，個頭同手腳都爆曬缸。喺佢地隔籬又有幾個女人訓落地，互扯對方頭髮嚟爭一袋餅乾。

為左食物，為左生存，人類變成互相殘殺嘅動物。

楊過獨力勸阻班人，處境相當危險，因為嗰班人咁狼死，乜都做得出。

「喂！楊過！唔好理佢地啦！走啦！」我向住對方大嗌。

然而，楊過掛住阻止嗰個揸槍嘅男人開槍，似乎無留意到我。



「你企喺咪郁，我過去拉走我朋友。」

我對Kappa講完，跟住行埋去想扯楊過走。

結果都未埋到去，嗰個揸槍男人突然發茅，用個頭硬撼楊過，撞到楊過暈得一陣陣企唔穩。

我即刻埋去扶住楊過：「點呀你，無嘢呀嘛！」

楊過見到我未死，喜出望外：「哇！乜你無事呀，太好啦！」



與此同時，耳邊傳嚟槍聲：「砰！砰！砰！」

嗰個揸槍嘅男人擺脫之後，衝埋去先掃低幾條女，搶走嗰袋餅乾，然後再射死埋幾個男人，搶埋嗰箱水。

連喪屍都唔會殺嘅楊過，見到呢啲場面，只能掩住眼，不忍直視。

嗰個揸槍嘅男人拎住戰利品，拖住大喊嘅細路離開。

當以為事件告一段落嘅時候，忽然有四個踩住滑板，揸住槍嘅後生仔，喺我地身邊經過，然後埋去嗰個男人同細路旁邊。

「砰！砰！砰！」佢地連開幾搶，冧低兩個人，隨即帶住箱水同餅乾，踩住滑板快速走遠。

呢類殺戮嘅畫面好血腥，好震撼，但完全唔感到意外，畢竟喺末日之下，每個人只求生存，什麼道德什麼倫理，統統都可以不顧。

「嗚嗚...」楊過痛恨自己無法阻止呢啲悲劇發生，用拳頭dup落地下發洩，眼淚不斷臉上滴落嚟。



我想安慰但又唔識點講好，然而要令到呢啲互相殘殺嘅畫面消失，唯一嘅辦法只能係靠解藥。

只有喪屍危機解決，香港先會變返正常，咁大家嘅生活先會變返正常。

「呢個人就係你嘅同伴？」Kappa行過嚟細細聲問。

「係呀，佢叫楊過。」

等到楊過喊完平復心情後，我先向佢介紹Kappa：「楊過，呢個係Kappa，佢係其中一個裝甲人，不過佢呢，唔會亂咁傷害人，身上亦都無武器，所以唔洗擔心。」

「裝甲人？」楊過雙眼通紅，打量Kappa一眼。

跟住我問楊過：「係啦，點解得你一個嘅？ 阿得、Sandy同Shirley佢地呢？」