性交轉運打喪屍: （88）

我一往直前，跑到半路，突然間俾硬物從後撞低。

負責引走綠眼喪屍嘅裝甲人被撲倒，跟住再撞埋嚟我度。

我仆落地下，左腳仲俾裝甲人壓住，一時間想起身都起唔到。

裝甲人飛背脊「擇住」我隻腳，同一時候，佢向住自己面前嘅喪屍揮拳，喪屍卻以好快嘅速度避開左。

之後裝甲人將激光槍收喺腰間，起返身用赤手空拳對付隻嘢。



我隻腳俾佢「擇」到痺左，要趌下趌下咁趴起身。

當想繼續向前跑時，又被戰鬥中嘅裝甲人同喪屍擋住去路。

呢個裝甲人嘅身手好敏捷，有幾下捉到路，重拳打中喪屍塊臉同個肚，仲識都得用柔道嘅摔技撻低對手。

可惜喪屍係打不死，除左爆頭，根本無辦法徹底擊敗佢地。

裝甲人好明顯知道呢個道理，於是想開槍了結。



殊不知槍都未拎起，隻嘢好快就起返身，同時以極快嘅速度，伸手叉住佢條頸，稱起佢個人，再將佢拋飛。

癡線！隻喪屍係咪食左春藥，咁大力咁鬼勁嘅？

「砰」一聲，裝甲人騰空撞落對面馬路一架van仔度。

van仔成個車身凹曬，可見撞擊力之重，及喪屍頭先嘅力量係幾咁大。

隨即，綠眼喪屍嘅目標轉移到我身上。



先下手為強，我第一時間就開槍，但偏偏機關槍經已無曬彈藥。

我心諗今次仆街啦，啲招牌快啲砸落嚟，又或者再出現多一次地陷啦！

……

結果等左三秒，乜事都無發生。

喪屍發青光嗰眼對上我嘅視線，我知下一步佢就會標前捕我。

而就喺呢個moment，一道綠光從身邊擦過，射爆左喪屍隻手。

「Ah！！！！！」

啲血噴泉式咁湧出嚟，喪屍發出不一樣嘅痛苦尖叫。



回頭發現，道綠色激光係個裝甲人射出嚟。

不過佢唔係有心救我，只係突然俾兩隻普通喪屍偷襲，想還擊但似乎miss左一槍，射唔中兩隻普通喪屍，反而射中綠眼喪屍隻手。

相比之下，普通喪屍較容易對付，裝甲人幾下就擺平左。

斷左一隻手嘅綠眼喪屍憤怒咆哮，直接撞低我再衝埋去裝甲人度。

佢嘅力量真係唔講得笑，我只係俾佢撞到膊頭，成個人已經就不由自控，向後飛去撞落馬路旁嘅鐵圍欄度。

背脊痛到飛起，個頭撞到暈下暈下。

同時間，眼尾睄到後面有個落左半閘嘅商場，於是就唔理三七二一，丟走身上無子彈嘅機關槍，快快脆匿入去暫避。



至於喪屍同裝甲人於馬路中心正打得火熱。

裝甲人睇嚟體力下降，速度不及之前，幾次攻擊都唔中。

相反，喪屍無左一隻手，依然攻勢凌厲，單手捏住對手條頸，再狠狠咁推落墻上。

裝甲人起腳踢開喪屍作為反擊，然後拆開膊頭嘅裝甲，拎左一舊類似計時器嘅東西。

佢一連退後幾步， 並且㩒一下計時器個掣。

本身應該諗住dum過去喪屍度，無料到喪屍用肉眼捕捉唔到嘅速度，突然殺到埋身，一個飛撞就將佢撲跌。

計時器從手中脫落，隨即喺二人旁邊大爆炸。