性交轉運打喪屍: （74）

 
Isabel訓喺旁邊，冚埋同一張被，似乎無發現我唔係楊過。

啱啱同Sandy扑左一次，未係好夠皮，難得Isabel咁樣主動送上門，我就諗緊點樣擒佢。

「楊過，頭先一直揾唔到機會多謝你，喺城大嗰陣，我俾幾隻喪屍圍，多得你過嚟救我，我先無事渣，所以真係好多謝你！」

「哦…任何人有事我一定會出手，絕對唔會坐視不理，畢竟每一條生命都係十分寶貴！」我盡量模仿楊過平時啲說話口吻。

「家陣香港周圍都係喪屍，真係好彩遇到你，有你保護就放心啦！唔似得我以前條仔同佢個廢柴friend，一個淨係識隊白粉，一個就廢到連車都唔識揸，根本都靠唔住！」



我頂！條八婆洗唔洗咁樣踩我？

無可否認，我係無楊過咁抽得，但渣極都叫做救過佢兩三次，點都稱唔上係廢柴掛？

我為自己辯護：「說話又唔好咁講，男人無話一定要識揸車嘅，同埋你朋友個friend都有救過你，都唔算係廢啦。」

「符碌啫，最記得有次條友，踩住西瓜皮亂咁斬，竟然咁都斬得低啲喪屍，我咁大個女都未見過啲人咁符碌。」

「咁…咁運氣有時都係實力嘅一種。」



「算啦，唔好講嗰條友，講返你啦，你咁fit咁大隻，平時係咪成日去做gym架？同埋你點解身手咁好嘅，我估一定有學過空手道之類嗰啲。」

Isabel一輪嘴喺度講，我都無乜心機答佢，個腦淨係諗住點樣揾機會上佢。

「好似你咁有安全感嘅男人，如果唔係gay嘅話，一定會好受女人歡迎。」Isabel講講下借啲意想挨埋嚟。

相應地，我再移開少少，免得俾佢發現我嘅真身。

間房黑媽媽，睇唔清佢個樣，但頭先淨聽把聲，都知佢發姣發到出曬面。



呢個時候，我靈機一觸，就答佢：「實不相瞞，其實我係一半攣，一半直。」

「即係話，你係bi？又鐘意女人又鐘意男人？」

「無錯，同埋頭先我對你講左大話，好對唔住，其實我並唔係你想象中咁大膽，亦唔係任何一個人有事，都會咁勇敢去相救。」

我開啟鳩up模式：「喺城大嘅時候，我之所以會奮不顧身去救你，原因只得一個，就係我緊張你，我唔想見到你有事！你知唔知呀，從我第一眼見到你嗰刻，就已經深深俾你吸引。為左你，我完全可以置生死與度外。」

一講完，我即刻就覺得自己好似吹得太大，有啲over左。

只不過，Isabel似乎好受落，當正我講真嘅一樣：「乜原來我對你咁重要，重要到你連命都可以唔要嚟救我？」

「喺呢個moment，除左我隻狗Jojo，第二個重要嘅人就係你。」我發現自己完全代入左楊過講嘢個tone。



Isabel已經冧曬，並用行動代替說話，直接擒上嚟。

由於我嘅體格同楊過都相差幾大，我驚佢掂多幾下會穿崩，所以就提議：「等等…你介唔介意擰一擰轉面起身先？」

「嗯？做咩呀？」

「唔好問，你擰轉面先。」

Isabel移一移位，我feel到佢擰左面之後，就伸手開著床頭燈。

對方坐喺床邊，背對住我。

「保持呢個姿勢，唔好擰過嚟。」

我一邊講，一邊拉開床頭櫃，拎入面個眼罩出嚟，跟手笠住對方對雙眼。



「哦~原來你想玩呢啲。」Isabel笑一笑。

「千其唔好除左個眼罩，因為我想你用個心，去感受下我對你嘅愛。」

講完我就捉佢隻手，放入我褲浪入面。