性交轉運打喪屍: （73）

「妖！你係咪路架，射人塊面都有嘅！」

Sandy喺梳妝台揾紙巾抹臉，個樣明顯係嬲左。

「咁你淨係話唔好射入面，又無話唔俾射落塊面。」

對方抹乾淨臉上嘅精液，並立即著返衫褲：「承諾我就兌現左啦，你滿意啦？不過就只此一次，下不為例！」

完左呢句，佢好快咁打開門，直接離開我間房。



坦白講，淨係搞得一次，我當然覺得未夠喉，不過呢啲女平時個閪鑲金，玩男人多過俾男人玩，我咁樣偷雞執到一劑都算係咁。

床頭嘅鬧鐘顯示，現在時間係夜晚接近一點。

經歷左漫長嘅一日，加上搞完嘢個人都攰啦，我著返條褲，行去閂返道門，準備攤上床熄燈訓教。

啱行到門前，楊過隻喪屍狗無啦啦鼠左入嚟。

「哎呀，Jojo唔好亂走啦！」楊過追住隻狗入埋嚟我間房。



隻狗喺房入面跑左個圈，然後跳上梳妝凳，好chill咁趴左喺度。

「奇怪啦，頭先喺我間房，Jojo坐唔定亂咁跑，一開門就唔小心俾佢跑左出嚟，但入到嚟你間房佢就肯坐定定唔郁，唔通佢鐘意呢間房多啲？」

隻狗的確如楊過所講，入到嚟就好乖，無亂咁跑。

楊過就同我講：「不如我地調房，我今晚訓你呢間，你就訓我嗰間？」

「咁樣呀？」我喺度考慮。



「好啦，就咁話啦，唔該你啦。」楊過求我。

「咁算啦，我同你調啦。」

「哈哈！多謝！我間房係1010，道門無鎖，你直接入去就ok架啦。」

楊過同隻狗住我房，我就住楊過間房。

佢間房都係單人房，間隔同我嗰間相差無幾，望落佢間房明顯亂啲，應該係頭先俾隻衰狗整亂。

攤上床，我打一個喊露，又發覺床頭櫃趟開左。

入面放左眼罩同耳塞，原來呢間旅館有呢啲嘢提供，都算幾貼心。

而我就唔需要呢啲嘢，於是趟返埋個櫃，熄左床頭燈，諗住落床閂返實道門就訓教。



估唔到又有人行入嚟。

「Sorry啊楊過，你訓左啦？」係Isabel把聲。

三更半夜，條友揾楊過咩事？

於是我扮楊過把聲，諗住撚化下佢：「咳咳…都準備訓啦…你揾我有事？」

「我間房有隻大飛蛾，好恐怖呀，你可唔可以幫我趕走佢？」間房無開任何燈，漆黑中睇唔見Isabel個樣，淨係聽到聲。

「我都想幫你，但我都驚飛蛾，睇嚟幫你唔到。」

「下…咁點算呀？」



「你熄左燈咪見唔到囉，如果仲係驚嘅，你可以訓其他房或者訓廳都得。」

「熄左燈咪仲驚呀，陣間飛埋嚟都唔知呀。同埋我又驚其他房都會出現啲昆蟲，所以唔敢自己一個訓，唔知你介唔介意今晚我同你孖鋪？」

我心諗唔係呀嘛，頭先揀房嗰陣又話介意同人一間房，家下竟然主動想入嚟一齊訓？

呢條友知楊過係gay，都照樣心心眼偷望人地啲肌肉，依家唔知係咪求其作個藉口，想入嚟同楊過訓。

「咳咳…」我乾咳兩聲，繼續扮聲，「Er...我諗都無問題嘅。」

「哈哈！咁就好啦！」Isabel閂上房門，撻著房間天花板盞燈。

嚇到我即時用大被笠過頭，遮曬成個人：「哇！好殘眼！快啲熄返盞燈！」

「Sorry啊，唔好意思。」Isabel撻熄燈掣，跟住放輕腳步行過嚟，訓上嚟張床。



佢訓落嚟嗰陣，我向左挪動身軀，訓過少少，心入面好驚會穿煲，同時又覺得好刺激。