性交轉運打喪屍: （20）

「沖完涼啦？『禾』煮左通粉，『梨』吹完頭『化』，過嚟一齊食啦。」娟姐整左兩碗火腿蛋通粉，端上飯檯。

「唔啦，我無胃口。」

短短一個上晝經歷咁多嘢，心情一時三刻未完全平復到，邊度有胃口食嘢。

「橫「電」都煮左，食少少啦。」

見對方煮好曬，諗諗下又唔想嘥左啲嘢，無乜胃口我都照坐埋去食幾啖。



坐低開著電視，一嚟又係喪屍咬人嘅血腥鏡頭，以免反胃，都係熄左部電視，大家碌下電話算數。

「『橙』啦『橙』啦，呢度麥玲玲話，香港『嘲』遇百年一遇天煞大『結』，又話因為有『油』星作怪，所以令到啲人集體撞邪。」

娟姐遞個電話俾我睇，上面係一段片，標題寫住「妖星入宮，香港遇百年大劫」。

「哦…」我不屑一顧，求其望左兩眼。

呢啲濕鳩風水佬一味就係識得馬後炮，家下一街都係喪屍，洗鬼佢講我都知香港大撚獲。



「今朝個天係咁行雷但又唔落雨，『禾』都覺得奇怪，原來…」

「轟隆！！！」

個天突然響雷，大聲到全屋都聽到。

娟姐俾呢個突如其來嘅雷聲嚇親，慌張咁捉住我個膊頭，咁啱就掂到個瘀傷位，痛到我「啊」左一聲。

娟姐快速縮返開手：「對唔住，『禾』唔係有心。」



「無事。」我摸摸一個膊頭。

「但『梨』呢度瘀曬嘅？」娟姐拉低我件衫，見到我右邊膊頭瘀左一撻。

「今朝喺道堂撞親，我老細好似頭先老豆咁發左癲，撼我落神壇度，其實傷得都唔算重，我諗過幾日就會好。」

「咁等『禾』揾啲藥酒同『梨』捽下。」

「下？唔洗啦。」

「要架，捽下先會快啲『巧』。」

娟姐入房摷摷櫃桶，拎左支藥酒出嚟。

「快啲除『山』啦。」



「唔洗麻煩你啦，我自己捽得架啦。」

「『禾』嚟啦，呢個位『梨』自己捽唔到。」講完佢就埋嚟除我件衫。

我未嚟得切say no，就俾人剝左件衫。

「咦，呢個係咩嚟？」佢指一指我心口道符。

「無咩，一道符嚟啫。」我答。

膊頭以外，我身上其他地方都有瘀傷，娟姐叫我埋去梳化度趴底，話幫我每個地方都捽一捽。