性交轉運打喪屍: （19）

我以為娟姐著返曬啲衫，點知入到去見到，對方淨係圍左條毛巾就算。

「沖沖下突然無『易』水，『梨』睇下咩事？」娟姐臉頰微紅，個頭同個身都濕笠笠。

我扭開花灑，掂下啲水，果然係凍嘅。

個熱水爐本身都神神地，我之前沖涼都試過突然間無熱水。

「『典』呀？係咪個『易』水爐壞左？」



娟姐挨住個身企到好埋，我隻手只要郁一郁，手踭就會掂到佢對波。

我「good」一聲吞啖口水， 然後伸手擰下熱水爐啲掣，又拍拍部機，睇落好似喺度整緊部機，實際只係想詐假意郁下隻手，搏懵「hi」娟姐對波。

隔住條毛巾，都feel到佢對波軟綿綿嘅觸感。

我心裡暗爽，jer jer 漸漸充血變硬。

本來我只係做下樣，借啲意抽多陣水，都無諗過整返部機，但估唔到擰擰下，竟然又有返熱水。



「咦，終於有返『易』水啦，唔該曬。」娟姐表示感激。

「Er…唔洗咁客氣…」基本上我乜都無做過，淨係搏左幾下懵。

有返熱水後，娟姐繼續沖涼。

我就仍然扯緊旗，要返出客廳坐左一陣，冷靜返少少，條jer先慢慢軟返落嚟。

大約過左半個鐘，娟姐沖完涼就輪到我去沖。



對住廁所塊鏡，我剝左血跡斑斑嘅上衣，才發現原來腰、手同背脊都有幾處瘀傷，掂一掂就鬼死咁痛。

跟住我除埋條褲，過程中，喺褲袋跌出一道符。

道符掕住銀色頸鏈，無記錯應該就係同老細搏鬥嗰陣，喺對方身上扯甩嘅。

我記得今朝拎上手，道符閃透住微光，家下仔細再睇，發現道符嘅外形好似同轉運符差唔多。

有啲唔同嘅係，轉運符或者平安符、護身符呢類都係黃色底，配襯紅色字符文，而呢一個卻係紅色底金色字。

不過點都好啦，唔理係乜嘢符，我諗只要係符咒，或多或少都有啲驅邪僻鬼嘅作用，就算驅唔到喪屍，咁最起碼條銀鏈都值些少錢。

因此，我決定保留呢道符。

沖完涼後，我將道符掛喺頸上，然後先再著返衫。