性交轉運打喪屍: （6）

「係喎，講左咁耐都未介紹，呢個我女朋友Isabel， 係model嚟架，我諗你成日搭開地鐵、巴士呢啲，一定有見過佢拍過嘅廣告。」曬完隻錶佢就向我介紹身邊嘅女伴。

條友雖然生得矮，樣貌亦唔標青，但屋企有米，住大屋渣靚車，溝到Isabel呢種model級靚女，一啲都唔出奇。

呢個世界有錢就有女，好有錢嘅話就可以不停換女。

早排先見佢拖住條大波𡃁摸，可能玩厭左大波所以呢排轉玩長腿，搵個高自己差唔多20cm嘅女仔做女朋友。

印象之中，我有喺啲巴士站廣告見過Isabel。



家下睇見真人，先發現原來佢對腳係咁長，目測起碼有42吋，長得嚟仲好有線條。

另外佢個樣都非常標誌，眼大大嘴細細咁，令我諗起最近一個日本女星朝比奈彩。

Isabel好似發現我𥄫住佢對腳𥄫左好耐，眼神中顯露出一絲厭惡。

Jason就吱吱喳喳，一輪嘴繼續喺度講：「…我之前有無同你講過，我嚟緊準備買遊艇，真係唔買都唔知，原來一架遊艇都唔係好貴，只係幾百萬就買到…」

我喺隔籬聽到耳都嗡埋，真心頂條道友唔順，於是求其作左個理由，拿拿聲鬆人。



我同佢其實住喺同一區，因此周不時都會撞見，而次次見親佢都係講唔停。

雖然大家都係土瓜灣人，不過佢住高尚住宅半山壹號，我住嘅卻係幾十年樓齡嘅殘舊唐樓，

舊唐樓有幾殘，從開門上樓梯嗰一刻就已經感受到。

梯間墻身剝落，燈光暗沉，間中仲會閃下閃下。

四周圍充斥一浸發霉嘅臭味，地下佈滿積水同細碎嘅垃圾。



最離譜係有人未經批准，就將啲裝滿水泥嘅麻包袋、鐵鏟同磚頭放喺樓梯口，阻住大家出入。

好彩樓梯都算寬，約莫都有三、四個身位嘅寬度，稍微窄少少嘅話，真係會塞死無位行。

行上三樓，返到屋企。

老豆坐喺客廳，棟高腳，隊住大啤睇波。

「屌！成班食撚曬屎，入到禁區就起腳啦，仲傳你老母咩，傳到出埋界！憨鳩！」

我老豆睇得相當肉緊，唔洗審都知落重飛。

「『運滯』，『梨』返嚟啦？食左嘢未，『幼』唔『幼』淥個粉你食？」繼母從廚房行出嚟問。

佢廣東話發音唔正，將「允仔」讀成「運滯」。



「唔洗啦，我好攰，諗住沖個涼就訓。」

「咁點解『梨』成身『塞』曬嘅？出邊落雨呀？」

「唔係，唔好彩俾人淋啫。」