美好世界的沉思者/ADVANCING (重製): 1. 序.

「等陣啦，我招R仲差幾秒咋。」我係電腦前面嗌。

「快啦，我去先喇！」我耳機傳出另一把人聲。

「Double Kill」 「Triple Kill」 「Quadra Kill」

「ACE」

「勁喎！4殺！」





「唔係俾人執咗個頭，我5殺添呀！」

「你等埋我咪5殺囉。」

「Victory」耳機出傳出勝利嘅音效。

「有你carry真係唔同啲，差少少就鑽石喇。」

「得啦，我做你大腿！」
「係喎，你做晒暑期作業未呀？得返1個禮拜咋喎。」





「唔識做呀，都未掂過。」

「借俾你？」

「唔使。」
「夜喇，我唔玩喇，食飯先。」望一望電腦螢光幕角落嘅時間，上面顯示住「下午7:28」

「好啦，我阿媽都叫我食飯喇，拜拜。」





我叫雲建賢，宜家讀緊中四，一個禮拜後就係中五，亦即係我嘅暑假得返倒數七日。
但係我啲暑期功課掂都冇掂過，原封不動擺係書包度，無非都係懶同唔識做，但我一於唔理，每日係度浪費生命，日日都係度打機，有時都會落街打下波嘅。

我熄咗個mon，就換衫落街食我嘅晚餐。

食完去超市買定啲零食杯麵做午餐晚餐宵夜。

「先生，買夠200蚊有會員做，你要唔要買多啲？」

「唔使。」

「先生，呢個會員有平，你有冇會員？」

「冇。」





「做會員會平啲喎。」

「唔使。」

我就係咁，就算要使多啲錢都唔想要，我當刻唔想就係咁。

「我有。」

呢個時候我後邊有把女仔聲，然後我左手邊有有隻手伸咗出嚟，攞住張會員卡。

乜可以嘅咩，俾人地用呢啲行為，仲要當住人哋面做。

禮貌上我都要講聲多謝，於是我就拎轉頭。

「多謝晒。」





當我愕返高個頭就見到佢嘅樣，空氣瀏海，水汪汪嘅眼睛，高高嘅鼻，薄薄嘅雙唇，紅通通嘅雙頰。

毒撚嘅我，當然見到呢啲只應天上有嘅嘢，自然會眼甘甘咁望住人啦。

「先生，先生？」

「啊，吓？係！」sales嘅呼喊聲將我拉返去現實。

「呢度1xx蚊。」

嘩，頭先眼甘甘咁望住人咁耐，一定會覺得我係變態喇，點算好呢？

「先生，呢度找返你xx。」





「唔該。」攞咗錢，我就急急腳咁離開返屋企。

返到屋企，我隨手掉咗袋嘢上梳化就換衫沖涼。

沖完我就開電腦打機。

佢真係好靚，不過我係度住咗咁耐都未見過佢嘅，佢新搬嚟架？

即使過咗咁耐，佢個樣依舊舊深深刻係我嘅腦海中，學校個啲根本就比唔上。

然之後我就食住薯片上網煲韓劇，睇咗幾集就刷牙洗面上床瞓覺。