我是一個學界的灰姑娘: 177. 我做媽咪了

「小敏姐妳唔舒服?」
 
「少少啦」
 
「家姐妳咩事要搵我地?係屋企同我地講都得呀」
 
「我….我….」小敏姐好尷尬咁
 
我好似feel到d野
 




「家姐….妳上一次period…係幾時?」
 
小敏姐耷低頭「兩個月前」
 
即係…..小敏姐有左?
 
我同Ethan立即聯絡Jayden同婦產科
 
一照，Ethan立即講粗口
 




「我X!!!!!!係孖胎呀!!!!!!」
 
「唔L係呀!!!!!!!六合彩又唔見我中!!!!」
 
「老婆妳咪中過20蚊囉」
 
我睇清楚超聲波….
 
「咦……..係龍鳳胎喎」
 




「咁又唔同講法啦!!!可以收工啦，Ethan幫我同你姐夫切J」
 
小敏姐係過到黎澳洲之後，好快懷上左龍鳳胎
 
好彩媽咪同偉叔都過左黎，佢可以同校長一齊幫手照顧小敏姐
 
半年後
 
「呀!!!!!!!!!!!!!!!!!!!!!!!!!!!!!!!!」小敏姐好用力咁生小朋友
 
「家姐，係…..用力D…推!!!」我係佢身邊幫佢手
 
經過好多個鐘搏鬥，小敏姐嘅龍鳳胎成功出世
 
Ethan兼任急症室後，好快去考取飛行醫生資格




 
除左體能同游水之外，佢仲要學意外處理，使用無線電等等
 
每一晚我都去超級市場買定餸煮好飯同佢食，我同佢都好享受二人世界
 
因為我地兩個屋企得兩個人住，所以我地親密次數都好多
 
然後有一晚…..我瞓醒時突然間嘔，Ethan起身睇下我咩事
 
「老婆?冇野嘛，妳呢幾日都嘔喎」
 
我嘔完之後坐低休息，我個腦諗到D野
 
自從我同Ethan結婚後，我已經冇食藥
 




「老公呀…..我…今個月仲未黎呀….」
 
我同Ethan對望住，立即去廁所驗一驗
 
我地一齊望住枝驗孕棒
 
「妳會唔會好似Evelyn咁，咁快做媽咪丫啦?」
 
「你唔想咩?」我笑笑口對住佢
 
係呀，Evelyn係我地結婚後冇耐同我地講，佢做媽咪啦，係意外果隻
 
佢真係好急咁結婚，所以野都唔理
 
但係佢一d都唔介意，仲非常開心。而佢先生，就係Ethan個同學




 
等左陣，終於有結果啦
 
係兩條線
 
我地對望住，笑得好開心
 
係我嫁左俾Ethan後兩年左右，我做媽咪啦
 
我將呢個消息話俾媽咪同校長知，而奶奶同大白鯊就興奮過我地
 
然後佢地換黎頭痛
 
我地係小敏姐屋企，睇住佢對龍凰胎
 




「下!?家琪妳有左呀!?」
 
「係呀家姐」
 
「同左上司講未呀?妳要小心d呀!」
 
「知啦」
 
我同上司講左我懷孕之後，佢將我調去冇咁辛苦嘅位置，仲俾我繼續進修
 
每星期佢都幫我檢查肚中嘅BB
 
係香港呢D係想像唔到嘅事
 
果日我地一照，我肚入邊，係一個男仔
 
「你開唔開心呀?係仔喎」
 
「有咩所謂，仔同女我都咁鍾意」
 
「阿仔好似你」
 
「係囉，係到玩JJ」
 
「你呀!!唔好教壞佢添呀!」
 
9個月後，輪到我係產房出力生小朋友
 
「呀!!!!!!!!!!!!!!!!!!!!!!!!!!!!!!!!!!!!!!!!!!!!!!!」真係好痛
 
「係!!家琪!!!俾D力，個仔就出世啦」
 
不過我真係好想組織個家庭，所以我選擇忍受分娩嘅痛苦，仲要係順產
 
Ethan同小敏姐係我身邊幫手接生，然後…我同Ethan嘅仔仔平安出世
 
我抱住我仔仔，錫左佢一下，同時佢都打開眼望住我呢個媽咪
 
我再一次流出眼淚
 
不過…..都係痛一次算數啦，生一次，真係命都短幾年
 
再睇下小敏姐俾對仔女玩到殘…我都係生一個夠啦
 
好在媽咪同校長幫手湊小朋友，等我可以安心考取婦科醫生資格。而Ethan亦都考到心臟外科醫生同飛行醫生資格