我是一個學界的灰姑娘: 161. 我做左狀元啦!!!

DSE放榜啦，媽咪同偉叔陪我去到課室。今日學校有好多記者，可能我地學校出左狀元
 
Miss Lam就因為要陪Ethan關係，今日唔會返學校。
 
大白鯊BGM伴住大白鯊入課室
 
佢口中咬住手上拎住成績通知書
 
大家好緊張咁等
 




「各位同學，妳地…….」
 
氣氛愈來愈緊張
 
「肯定全部入到大學!!!!!」大白鯊興奮到彈起
 
大家立即鬆一口氣「嚇死咩!!!大白鯊」
 
「妳地呢，好多人都有5同5*，所以一定有大學讀，大家唔洗怕」
 




「咁最叻果個呢?」
 
「最叻果個嘛….妳地唔見樓下有好多記者咩?」
 
真係有好多記者喎
 
「而家開始派成績通知書，今次係順學號派，1號!!」
 
「係!!!」
 




大白鯊照舊係到飛野，估唔到成績通知書佢都照飛
 
「冇我會考高考咁叻嘅我照飛!!!」
 
「車….」
 
結果有一半以上同學份通知書係俾大白鯊飛走
 
下一個到我啦，我好緊張
 
「家琪」
 
「係!Miss Cheung!!!」
 
「仲係咁叫我呀?」




 
「姑…姑姐」
 
「妳有冇打俾Ethan呀?」
 
「冇…冇呀….」
 
「都係嘅，我就知佢考成點啦。不過呢….妳自己拎左通知書先啦」
 
「係…」
 
「出黎啦」
 
奇蹟地，我份通知書冇俾佢飛走
 




大白鯊攬到我實一實
 
「呢6年黎辛苦哂妳啦….妳嘅努力係有回報」我第一次見大白鯊喊
 
「姑姐?」
 
「妳自己睇下，我媽咪係外邊等緊妳」
 
我接過通知書，好驚，唔敢打開
 
所以有個人就入左黎課室拎住我份通知書，行去我個位到
 
佢係小敏姐
 
所有同學圍哂埋黎一齊等小敏姐公佈我成績。Evelyn捉住我雙手




 
而課室外邊有記者係到等緊…莫非…
 
「余家琪成績：中文5**，英文5**，數學5**，物理5**,化學5**,生物…..5**。佢係我地學校今屆DSE狀元呀!!!!!」
 
小敏姐咁樣講，我立即拎黎睇
 
上邊印住5**，英文5**，數學5**，物理5**,化學5**,生物5**,通識5*
 
我眼淚立即由淚腺湧出…我做到啦爸爸!!!!
 
大白鯊黎到我個位
 
「家琪，出去見美姐啦」
 




課室打開門，媽咪同偉叔入左黎
 
「家琪，做咩喊成咁呀?無論點，媽咪都唔會怪妳。妳已經盡左力架啦」
 
我不停擰頭，然後拎通知書俾媽咪同偉叔睇
 
「媽…媽咪….我…我做左狀元啦…」
 
媽咪同偉叔一睇就開心到攬住我係到喊
 
我地辛苦左差唔多10年，由執垃圾嘅窮家女，變成今日嘅DSE狀元。我所行嘅路，比一般人更辛苦