我是一個學界的灰姑娘: 127. 大白鯊送嘅袋

我地坐係店內，一大盤新鮮刺身送上檯
 
「いただきます!!!」我一夾起片拖羅刺身放入口
 
嘩!!!入口即溶!!!真係咁好食?
 
果種感覺真係難以形容，仲有海膽同埋其他刺身，香港果d真係冇得比
 
跟住機長，真係唔會餓死
 




食完咁好味嘅刺身，Miss Cheung就帶隊去淺草雷門寺參觀
 
果到有好多人形燒，我地買左好多，然後安排送貨
 
我入到寺內，跟隨Miss Cheung同其他日本市民一齊參拜
 
信主嘅團友就企係到睇我地參拜
 
即係機長一家人囉
 




唔好睇小敏姐咁惡咁粗魯，佢真係個個星期日都去教堂望彌撒
 
Ethan同浩翹就因為太懶，大約一個月去一次
 
我祈求左幾個御手，掛左係自己個袋到
 
「妳祈左d咩呀?」
 
「健康、學業同愛情囉」
 




「佐妳俾左幾多錢?」
 
「100円」
 
「嘩!!100円咁多個願望?妳會唔會過份左d呀」
 
「唔會」                                           
 
每一個男性，去到日本東京，就一定要去秋葉原，而女仔就要去原宿
 
所以今日我地7位女性就去原宿行街買野，而男性就去左秋葉原
 
係原宿，真係有好多衫買，仲有Potter Japan
 
我行入店內睇下有冇野啱我，結果俾我睇中左個袋。於是我就問小敏姐同孖女，個袋襯唔襯我




 
「家琪，唔…個袋就一般，如果係上邊果個會更襯妳」
 
小敏姐指住架上嘅袋
 
我拎落黎睇，雖然唔係好貴，都大約15000円，咁貴我點買得起呢…
 
正當我想放返上去果時，有一隻手阻左我
 
係Miss Cheung
 
「家琪，有時妳都要d野襯下自己嘅」
 
「我明呀，但係個袋唔平，所以我放棄算啦」
 




Miss Cheung笑住對我講(大白鯊笑呀)
 
「我送俾妳啦」
 
「下...Miss Cheung，上次妳已經送左個Celine袋同鞋俾我…」
 
「妳係我嘅得意門生，我點都要照顧妳嘅，而且又唔係用我錢」
 
「唔係用妳錢?」唔用佢錢，可以用邊個錢?
 
慧思係呢個時候伸個頭出黎
 
「媽媽去旅行果時係簽爸爸張附屬咭架」
 
即係李sir俾錢，怪不得佢買野毫不手軟。我揀左個袋之後，大白鯊拎住李sir張附屬咭一碌，搞掂




 
孖女係原宿有好多潮野買，衫同鞋都有
 
果然原宿係一個好地方呢
 
我地仲坐低一人食左杯巴菲雪糕
 
「唔知佢地玩成點呢?」
 
「唔?家琪妳唔知佢地去秋葉原做咩架?」
 
「我真係唔太清楚呀，我只係知道好多模型之類」
 
「呵，家琪妳真係天真」
 




「點解咁講呀?」
 
「秋葉原仲有女僕café同埋偶像女團劇場」
 
「但係…浩翹唔似會去呢d地方喎」
 
孖女聽見後就不停咁笑
 
「家琪姐呀，浩翹當然唔會去啦」x2佢地望一望，肯定慧思去左買野食
 
「佢眼中就只有慧思一個」x2
 
「咁咪係囉，佢點會去呢?」
 
「但係…我地冇講過Ethan表哥唔鍾意睇喎」X2
 
E…Ethan會鍾意呢D野架咩…
 
「妳地話，Ethan會去女僕café架咩?唔會架…佢話過唔會亂望女仔架喎」
 
小敏姐拍一拍我膊頭「家琪妳太唔瞭解Ethan啦…佢係咁多個之中最鍾意日本女團果個。佢仲會睇d 14歲小妹妹跳舞，蘿莉控又會睇又睇人著水著嘅男仔黎」
 
小敏姐望下錶「我地而家去秋葉原搵下佢地?」
 
我嘅戰鬥力立即上升「行啦!」