我是一個學界的灰姑娘: 69. Miss Lam第一次喊

某一個星期五，本應係一個好平淡嘅日子
 
係午飯後嘅BIO堂，我地如常jot notes，忽然聽到走廊有鯊魚游水急步聲
 
大白鯊用條魚鯕好快打開課室道門
 
「阿嫂!!!浩翹佢旅行期間氣管收窄，吸完氣冇用…佢….俾消防急救後，送上直昇機，而家去緊東區醫院…阿哥同公公黎緊接妳同小敏，媽咪叫妳而家同佢去醫院呀」
 
Miss Lam聽到消息後呆左唔識俾反應
 




「妳快D落去啦，呢堂我幫妳代」
 
「等等…詩敏妳唔好嚇我….浩翹佢…佢…」
 
小敏姐話過，浩翹剛出世冇耐，佢就差d冇命。之後佢好彩生存落黎，自此Miss Lam當個細仔係寶咁睇，不過小敏姐同Ethan又唔介意，因為佢地都好錫個細佬
 
「媽咪!!!」小敏姐姐上黎我地班拖走Miss Lam，即使去到呢D場面，小敏姐依然好堅強
 
我地成班係窗邊睇住程機長飛車黎接校長、Miss Lam同小敏姐走
 




 大家第一次見Miss  Lam喊，所以個個都好擔心
 
Miss Cheung開口同我講
 
「Natalie，妳一陣跟孖女同埋浩揚去醫院，雪晴姨姨佢地會同妳地去」
 
「咁Miss Cheung妳呢?」
 
「我去真光小學接慧思…」
 




一落堂，未放學我已經同埋對孖女係校門等埋浩揚去醫院
 
去到東區醫院，就已經見到慧思跑去剛係急症室推出黎嘅浩翹
 
「慧思，唔好搞住浩翹啦」
 
慧思喊住咁望實浩翹，睇住佢推上病房
 
同時，Miss Lam由程機長同佢妹妹安慰緊
 
「Ethan!」
 
「家姐…細佬佢…」
 
「氣管收縮，佢好運，有消防車經過，消防員幫佢急救送佢上直昇機。遲少少嘅…佢會….」




 
此刻小敏姐都忍唔住係到喊，所以浩揚就攬實家姐
 
「冇事…冇事嘅…有公公係到…細佬冇事嘅」
 
林醫生行到去Miss Lam面前摸住自己個女
 
「冇野架雪凝，浩翹好快會冇事，妳返去休息下先啦，我會係到睇住佢」
 
「唔..唔得呀ba b….我唔可以扔低個仔….」
 
「妳乖，聽ba b話啦，雪晴，妳同阿翀陪雪凝返去先啦」
 
「姨媽，我地陪妳返去先啦」x2
 




正以為冇人說服到Miss Lam果時，校長起身行過去
 
「雪凝，妳聽我話，返屋企先好唔好?」
 
「但係…奶奶」
 
「奶奶咁多年黎有冇呃過妳?傻女，浩翹一定會冇事嘅」
 
「知…知道奶奶」
 
Miss Lam起身返屋企時，孖女姐姐同Karen姨姨扶住佢
 
小敏姐姐見到咁，佢就抹哂d眼淚，行去Miss Lam到
 
「媽咪，我留低陪細佬啦」




 
「唔洗啦家姐!」
 
Ethan係我身邊講「家姐妳返去休息下陪媽咪啦，我會留低陪細佬」
 
「唔可以!我係家姐，我要照顧你地架」
 
我都知道小敏姐好想留低，但係佢真係好攰，所以…
 
「小敏姐，我同浩揚留低得啦，妳休息下啦，妳就DSE…要休息夠」
 
小敏姐出名硬頸，冇人叫得掂佢，除左一個人
 
校長
 




「小敏，妳返屋企」
 
「但係婆婆….」
 
「返去!」
 
「係…」