我是一個學界的灰姑娘: 68. 媽咪再婚啦

4D班同其他老師坐哂係禮堂，然後林醫生同校長坐係檯一邊
 
之後，婚姻註冊官入到黎
 
當佢見到校長先生果時，佢先立正向住校長先生
 
「Good afternoon Sir!」
 
校長先生點一點頭
 




之後佢再同Miss Cheung先生立正
 
我伸個頭去Ethan身邊
 
「乜校長先生咁多人識架?」
 
「下?妳唔認得佢呀?」
 
「我點會認得呀?」
 




「校長個先生…即係公公呀…佢係入境處副處長呀」
 
「副處長?」我瞪大雙眼望過去
 
「姑丈都係入境處d官黎架」
 
原來，大白鯊先生係咁犀利
 
不過冇用丫，佢都係俾大白鯊同埋個女蝦
 




等媽咪同偉叔入到黎，大家坐好
 
「在場有冇人反對佢地結為夫婦?如果有，現在請立即提出」
 
斷估冇人夠膽掛
 
氣氛愈來愈緊張啦，一黎我第一次睇人行禮，二黎入境處副處長都係到，個婚姻註冊官都有D緊張
 
「在兩位結為夫婦之前，本人在職責上要提醒你們︰根據《婚姻條例》締結的婚姻是莊嚴而有約束力的，在法律上是一男一女自願終身結合，不容他人介入。因此，余文偉先生和岑美寶女士，你們的婚禮雖然沒有世俗或宗敎儀式，但你們在本人和現時在場的人面前當眾表示以對方為配偶，並為此簽名為證後，便成為合法夫妻。」
 
「我請在場各人見證：我余文偉願以妳岑美寶為我合法妻子。」
 
「我請在場各人見證：我岑美寶願以妳余文偉為我合法丈夫。」
 
媽咪同偉叔宣讀誓詞時，浩揚緊緊拖實我隻手




 
我地兩個實實拖住對方，同時我見到慧思同浩翹都拖到實一實
 
之後媽咪同偉叔幫對方戴上戒指
 
校長同林醫生幫媽咪同偉叔係結婚證書上簽名
 
最後，婚姻註冊官係佢上司面前簽左名
 
「我現在正式宣佈，你地正式成為夫妻」
 
大家拍掌拍得好開心
 
我係浩揚身邊流出眼淚，因為媽咪辛苦左咁耐，終於搵到人代替天上嘅爸爸照顧佢
 




浩揚拎紙巾幫我抹眼淚，呢一幕俾Charlotte佢地、同埋我班同學見到
 
「阿哥，你咁快想娶家琪姐姐呀?」
 
「喂呀!!Ethan呀!!咪係到同Natalie抹啦，搶哂鏡啦妳地」
 
「Natalie，妳係因為媽咪結婚而開心到喊丫，定係想同Ethan註冊而喊呀?」
 
我成班同學連同大白鯊都玩我
 
「唔?Jessie呀?Ethan想娶Natalie喎，妳係咪要俾禮金我地班呀?」
 
「係喎!!!Miss Lam!!!禮金呀!!!!」
 
之後Miss Lam好平靜咁講




 
「每人一份Bio past paper，下星期三交」

大家一齊出去影相
 
第一張當然要俾校長同林醫生影
 
然後到我地一家三口影
 
不過我班同學點會放過我呢
 
「美姐呀!!!妳屋企點止三個人呀!?」
 
「係咩?」媽咪呆下呆下
 




相反偉叔就好聰明，佢揮一揮手叫浩揚過黎
 
同時Miss Lam同Miss Cheung都指示Ethan過黎
 
結果，我地就一家四口影左張全家幅
 
而我都係Miss Lam一家人同媽咪影相時，出現係相中
 
大家最期待嘅當然係我地4D班嘅相啦
 
估唔到引埋大白鯊黎影
 
最後我地索性以呢張相作為班相
 
夜晚，大家去到酒店食Buffet
 
原本我地班係唔去，但係我地每人俾100蚊後校長包哂我地班所有同學
 
所以我地班就全班出席
 
60幾人，好似包場咁樣
 
校長同林醫生，仲有媽咪偉叔係到傾計
 
Evelyn佢代表4D班送左個鑽石擺設俾媽咪，作為結婚禮物
 
「妳地班傻女邊有咁多錢呀?」
 
「美姐，妳唔記得我地班開放日咩?我地賺到d錢就係用黎買禮物俾妳同偉叔嘛」
 
「妳地班傻女……」