我是一個學界的灰姑娘: 49. 乜都識嘅Ethan

我地手拖手行去搭車，沿途大家都笑得好甜
 
「你呀!幾時開始鍾意我架?」
 
浩揚同我係巴士上拖實
 
「幾時呀?唔…呀…」
 
呢個人連幾時鍾意我都唔知架?
 




「第一次見妳扎孖辮果陣囉」
 
「死變態佬!」
 
「唔…其實妳上次黎我屋企，我都好留意妳架啦」
 
「喂喂，我果次第三次見你咋喎」
 
「果時我又未鍾意妳，送妳返屋企果時覺得妳幾好人咁」
 




「算你啦」我撓住佢隻手，挨住佢
 
巴士去到西營盤半山，我地係正門落車
 
「聽日妳有冇想去邊呀?」
 
我笑瞇瞇對住佢講
 
「溫書」
 




「咩話?」
 
我扭一扭佢耳仔「溫書呀」
 
「要溫呀?」
 
「咁…你今日揀左著校服拍拖咁青春…聽日自然要還返架啦」
 
「真係要呀…」佢嘅惰性開始出現
 
我望清楚附近冇人之後行近佢一D
 
「乖啦」
 
錫左佢一啖




 
「咁好啦，聽日黎接妳啦」
 
「去自修室等咪得囉」
 
「唔…」
 
「你快D返屋企啦，Miss Lam等緊你架」
 
「咁聽日見啦」
 
第一日拍拖我地就咁樣，仲大膽到係學校門口依依不捨
 
好彩校長佢地走哂，否則實俾人審問
 




我好開心咁返到宿舍，沖完涼後拎出個音樂盒
 
魔女宅急便嘅音樂徐徐播出
 
係音樂盒上，仲有我同佢係迪士尼嘅合照
 
估唔到…佢又幾有心思
 
我萬萬都諗唔到，我會同我最敬愛嘅老師個仔拍拖
 
今晚我落床果時，都係甜甜咁笑
 
第二日，我好早去到自修室
 
點知，Ethan比我更早到




 
「喂，你有冇食早餐架?咁早黎到」
 
「幫妳搵位嘛，早d都冇所謂」
 
「咁乖仔，好啦，獎你溫多d啦」
 
我好快拎出左notes係到溫習，所以浩揚見到我咁留心，佢自己都靜靜地溫書
 
當然，我係有d野唔識，所以我都會問一問佢
 
佢究竟係咩人黎?點解佢可以咩都識咁滯?
 
佢好用心咁解釋每一條數學俾我識
 




佢俾到安全感我，我覺得自己可以依靠呢個男仔
 
佢會保護我、照顧我
 
「家琪?做咩望實我呀?」佢解釋完條數俾我後問我
 
「我好奇怪，點解你好似咩都識咁嘅?」
 
「邊係呢…只不過我睇得多書者」
 
「你唔係只係識玩模型架咩?你間房好多模型喎」
 
佢伸一伸懶腰
 
「我細佬間房去過未?」
 
「未呀，我邊會亂入佢間房」
 
「佢間房個書櫃同書架，有一半係我嘅書。至於每星期爸爸都會拎TIME返黎，佢睇完之後我會拎黎睇」
 
「真係?我一直想訂架…不過又好貴」
 
「我拎俾妳睇啦，反正我睇完都冇咩用」
 
自此之後，我經常收到浩揚俾我嘅TIME
 
我地一星期見兩三次左右
 
不過其中一日一定係溫書，我地永遠約埋去自修室溫書
 
今日我坐係課室，乖乖地溫書
 
然後head prefect小敏姐姐入黎搵我